ODI World Cup-2023 | న్యూజిలాండ్‌పై అత్యధిక స్కోర్‌ రికార్డును బ్రేక్‌ చేసిన ఆస్ట్రేలియా

ODI World Cup-2023 | న్యూజిలాండ్‌పై అత్యధిక స్కోర్‌ రికార్డును అస్ట్రేలియా బ్రేక్‌ చేసింది. వన్డే క్రికెట్‌ ప్రపంచకప్‌-2023లో భాగంగా హిమాచల్‌ప్రదేశ్‌లోని ధర్మశాలలో ఆస్ట్రేలియా-న్యూజిలాండ్‌ జట్ల మధ్య మ్యాచ్‌ జరుగుతోంది. ఈ మ్యాచ్‌లో ముందుగా బ్యాటింగ్‌ చేసిన ఆస్ట్రేలియా టీమ్‌ 49.2 ఓవర్లలో 388 పరుగులు భారీ స్కోర్‌ చేసి ఆలౌట్‌ అయ్యింది.

న్యూఢిల్లీ: న్యూజిలాండ్‌పై అత్యధిక స్కోర్‌ రికార్డును అస్ట్రేలియా బ్రేక్‌ చేసింది. వన్డే క్రికెట్‌ ప్రపంచకప్‌-2023లో భాగంగా హిమాచల్‌ప్రదేశ్‌లోని ధర్మశాలలో ఆస్ట్రేలియా-న్యూజిలాండ్‌ జట్ల మధ్య మ్యాచ్‌ జరుగుతోంది. ఈ మ్యాచ్‌లో ముందుగా బ్యాటింగ్‌ చేసిన ఆస్ట్రేలియా టీమ్‌ 49.2 ఓవర్లలో 388 పరుగులు భారీ స్కోర్‌ చేసి ఆలౌట్‌ అయ్యింది. ప్రత్యర్థి జట్టు న్యూజిలాండ్‌కు 389 పరుగుల భారీ లక్ష్యాన్ని నిర్దేశించింది.

అయితే, న్యూజిలాండ్‌ టీమ్‌పై 388 పరుగులు చేయడం ఆస్ట్రేలియా జట్టుకు ఇదే తొలిసారి. గతంలో 2016 డిసెంబర్ 6న కాన్‌బెర్రాలో జరిగిన వన్డే మ్యాచ్‌లో ఆస్ట్రేలియా జట్టు న్యూజిలాండ్‌పై 5 వికెట్లు నష్టపోయి 378 పరుగుల భారీ స్కోర్‌ చేసింది. ఇప్పుడు ఏకంగా 388 పరుగులు చేయడం ద్వారా ఆ రికార్డును బ్రేక్‌ చేసింది.