Visit:
ముంబై: టీమిండియా స్టార్ బ్యాటర్ సూర్యకుమార్ యాదవ్ తన ఐపీఎల్ ఫ్రాంచైజీ ముంబై ఇండియన్స్ ను వీడబోతున్నాడనే వార్తలు క్రికెట్ వర్గాల్లో చర్చనీయాంశంగా మారాయి. సోమవారం ఉదయం సూర్య తన అధికారిక ఇన్స్టాగ్రామ్ ఖాతా నుంచి ముంబై ఇండియన్స్కు సంబంధించిన అన్ని ఫోటోలు, వీడియోలు, ప్రస్తావనలను పూర్తిగా తొలగించాడు. అంతేకాకుండా, తన ఇన్స్టాగ్రామ్ బయో నుంచి ఎంఐ పేరును తీసివేయడంతో పాటు, ఫ్రాంచైజీ అధికారిక ఖాతాను, ముంబై కెప్టెన్ పాండ్యాను అన్ఫాలో చేశాడు.
ఆ ఫ్రాంచై జీ కూడా సూర్యను అన్ఫాలో చేయడం ఈ ఊహాగానాలకు మరింత బలమిచ్చింది.ఈ సీజన్ ఐపీఎల్లో సూర్య తీవ్రంగా నిరాశపరిచాడు. దాంతో ముంబై యాజమాన్యం ప్రత్యామ్నాయాలపై దృష్టి సారించగా.. సూర్య రాబోయే మెగా వేలానికి ముందే జట్టును వీడి తన పాత ఫ్రాంచైజీ కేకేఆర్ వైపు అడుగులు వేసే యోచనలో ఉన్నాడని తెలుస్తోంది.
