Visit:
SLW vs NZW : సొంతగడ్డపై విజయంతో వరల్డ్ కప్‌లో బోణీ కొట్టాలనుకున్న శ్రీలంక(Srilanka)ను వరుణుడు నిండా ముంచాడు. ప్రేమదాస మైదానంలో న్యూజిలాండ్‌(Newzealand)పై భారీ స్కోర్ చేసి విజయంపై ధీమాతో ఉన్న లంక వర్షం దెబ్బకు పాయింట్ పంచుకోవాల్సి వచ్చింది. లంక ఇన్నింగ్స్ ముగియగానే వాన మొదలైంది. కట్ ఆఫ్ సమయానికి కూడా తెరిపినివ్వకపోవడంతో ఇరుజట్ల కెప్టెన్లతో మాట్లాడిన అంపైర్లు ఆట రద్దు చేస్తున్నట్టు ప్రకటించారు. దాంతో.. ఇదివరకే ఆస్ట్రేలియాతో మ్యాచ్ వర్షార్పణంకాగా.. ఇప్పుడు మరో మ్యాచ్ కూడా ఫలితం తేలకపోవడం చమరి ఆటపట్టు బృందాన్ని ఎంతగానో బాధిస్తోంది.
వరల్డ్ కప్‌లో తొలి విజయం కోసం శ్రీలంక నిరీక్షించాల్సి వస్తోంది. తొలి పోరులో భారత్ చేతలో ఓడిన లంక.. ఆ తర్వాత ఆస్ట్రేలియాతో తలపడగా.. వర్షం కారణంగా అది రద్దయ్యింది. అనంతరం ఇంగ్లండ్‌ చేతిలో 89 పరుగుల తేడాతో ఓడింది ఆతిథ్య జట్టు. దాంతో.. ఎలాగైనా గెలవాలనే కసితో మంగళవారం న్యూజిలాండ్‌పై భారీ స్కోర్ చేసింది శ్రీలంక. కెప్టెన్ చమరి ఆటపట్టు(53), నీలాక్షి డిసిల్వా(55 నాటౌట్) అర్ధ శతకాలతో మెరవగా 258 రన్స్ చేసింది.
One point each in Colombo 🌧️https://t.co/BVpI9NQ7wx | #CWC25 pic.twitter.com/uomsk31Oyu
— ESPNcricinfo (@ESPNcricinfo) October 14, 2025
బ్యాటర్ల మెరుపులతో కివీస్‌కు భారీ లక్ష్యాన్ని నిర్దేశించిన లంకకు బౌలర్లు విజయం కట్టబెట్టాలనుకున్నారు. కానీ, లంకను వర్షం కంగారెత్తించింది. సాయంత్రం 6:30కి వర్షం మొదలైంది. వరుణుడు శాంతిస్తే ఓవర్లు కుదించి ఆడించాలని అంపైర్లు భావించారు. కానీ, రాత్రి 9:30 దాటినా వాన తగ్గకపోవడంతో కట్ ఆఫ్ సమయం కూడా దాటిపోయింది. ఇక చేసేదేమీ లేక మ్యాచ్‌ను రద్దు చేస్తూ ఇరుజట్లకు చెరొక పాయింట్ ఇచ్చారు.
A late push by Nilakshika de Silva takes the hosts to a competitive total, who have the momentum going into the break. New Zealand are looking at a tough chase ahead 💪 #SLvNZ
Scorecard 👉 https://t.co/BVpI9NQ7wx | #CWC25 pic.twitter.com/JmQlzenWPk
— ESPNcricinfo (@ESPNcricinfo) October 14, 2025
గత మ్యాచ్‌లో విఫలమైనా కెప్టెన్ చమరి ఆటపట్టు (53) అర్ధ శతకంతో కదం తొక్కగా.. ఓపెనర్ విష్మీ గుణరత్నే(42), హాసిని పెరీరా (44) సాధికారిక ఇన్నింగ్స్ ఆడింది. అయితే.. మిడిల్ ఓవర్లలోన్యూజిలాండ్ బౌలర్లు కీలక వికెట్లు తీయగా స్కోర్ 220 దాటడమే గగనం అనిపించింది. కానీ, డెత్ ఓవర్లలో నీలాక్షి డిసిల్వా(55 నాటౌట్) బౌండరీలతో రెచ్చిపోవడంతో లంక 6 వికెట్ల నష్టానికి 258 రన్స్ చేయగలిగింది. ఈ ప్రపంచ కప్‌లో డిసిల్వాదే వేగవంతమైన హాఫ్ సెంచరీ. బంగ్లాదేశ్ బ్యాటర్ షోర్నా అక్తర్ దక్షిణాఫ్రికాపై 35 బంతుల్లో.. భారత్‌పై ఆసీస్ కెప్టెన్ అలీసా హీలీ 35 బంతుల్లో అర్ధ శతకాలు సాధించారు.
