60వ జాతీయ ఇంటర్స్టేట్ సీనియర్ చాంపియన్షిప్
పటియాల: టోక్యో ఒలింపిక్స్కు ఆఖరి అర్హత టోర్నీ అయిన 60వ జాతీయ ఇంటర్స్టేట్ సీనియర్ అథ్లెటిక్స్ చాంపియన్షిప్లో తెలంగాణ యువ స్ప్రింటర్ అగసర నందిని రజత పతకంతో మెరిసింది. శుక్రవారం మహిళల 100మీటర్ల హార్డిల్స్ రేసులో నందిని 13.70 సెకన్ల టైమింగ్తో రెండో స్థానంలో నిలిచింది. కనిమొళి(తమిళనాడు, 13.66సె), సుగంధి(శ్రీలంక, 13.90సె) వరుసగా స్వర్ణ, కాంస్య పతకాలు కైవసం చేసుకున్నారు. పతకం సాధించిన తెలంగాణ సాంఘిక సంక్షేమ పాఠశాల విద్యార్థి నందినిని అథ్లెటిక్స్ కోచ్ నాగపురి రమేశ్ అభినందించారు. మహిళల 4X 100 మీటర్ల రిలేలో తెలంగాణ జట్టు తొలిసారి ఫైనల్కు అర్హత సాధించింది. నందిని, దీప్తి, నిత్య, దేవితో కూడిన తెలంగాణ టీమ్ హీట్-2లో మూడో స్థానంలో నిలిచింది.