Sachin Tendulkar: 16 బంతుల్లో 27 ర‌న్స్‌.. ముర‌ళీధ‌ర‌న్ బౌలింగ్‌లో స‌చిన్ ఔట్‌.. వీడియో

Sachin Tendulkar: స‌చిన్ టెండూల్క‌ర్ హిట్టింగ్ చేశాడు. 16 బంతుల్లో 27 ర‌న్స్ కొట్టాడ‌త‌ను. ఆ త‌ర్వాత ముర‌ళీధ‌ర‌న్ బౌలింగ్‌లో క్యాచ్ అవుట్ అయ్యాడు. వ‌న్ వ‌ర‌ల్డ్ వ‌ర్సెస్ వ‌న్ ఫ్యామిలీ టీ20 మ్యాచ్‌లో ఈ ఘ‌ట‌న జ‌రిగింది.

న్యూఢిల్లీ: మాస్ట‌ర్ బ్లాస్ట‌ర్ స‌చిన్ టెండూల్క‌ర్(Sachin Tendulkar) త‌న‌లో బ్యాటింగ్ స‌త్తా త‌గ్గిపోలేద‌ని మ‌రోసారి నిరూపించాడు. వ‌న్ వ‌ర‌ల్డ్ వ‌ర్సెస్ వ‌న్ ఫ్యామిలీ టీ20 ఎగ్జిబిష‌న్ మ్యాచ్‌లో అత‌ను షాట్ల‌తో అల‌రించాడు. క‌ర్నాట‌క‌లోని ముద్ద‌న‌హ‌ల్లి సాయి కృష్ణ‌న్ క్రికెట్ స్టేడియంలో జ‌రిగిన మ్యాచ్‌లో స‌చిన్ టెండూల్క‌ర్ 16 బంతుల్లో 27 ర‌న్స్ చేసి ఔట‌య్యాడు. వ‌న్ వ‌ర‌ల్డ్ జ‌ట్టు త‌ర‌పున ఆడిన స‌చిన్ టెండూల్క‌ర్ దూకుడు మీద క‌నిపించాడు. అయితే వన్ ఫ్యామిలీ జ‌ట్టు త‌ర‌పున ఆడుతున్న ముర‌ళీధ‌ర‌న్ .. మాస్ట‌ర్ బ్లాస్ట‌ర్ స‌చిన్‌ను ఔట్ చేశాడు.

Batting or bowling – why choose when you’re Sachin Tendulkar? 🤩👊🏻

The legend is back to show us how it’s done in the ‘One World One Family Cup 2024’! 💪#Cricket pic.twitter.com/tRhsIM4pzR

— Star Sports (@StarSportsIndia) January 18, 2024

నిజానికి ముర‌ళీధ‌ర‌న్ వేసిన తొలి బంతికే స‌చిన్ ఔట్ అయ్యాడు. కానీ స‌చిన్ రెఢీగా లేక‌పోవ‌డంతో ఆ బంతిని డెడ్‌బాల్‌గా ప్ర‌క‌టించారు. ఇక రెండ‌వ బంతికి భారీ షాట్ ఆడబోయిన స‌చిన్‌.. లాంగ్ ఆన్ వ‌ద్ద క్యాచ్ ఔట్ అయ్యాడు. తొలుత బ్యాటింగ్ చేసిన వ‌న్ ఫ్యామిలీ జ‌ట్టు నిర్ణీత ఓవ‌ర్ల‌లో 180 ర‌న్స్ చేసింది.

pic.twitter.com/K53lQfiDir

— Cricket Videos (@cricketvid123) January 18, 2024