Ravi Sastri on Rishab Pant | రిష‌బ్‌పంత్‌పై ర‌విశాస్త్రి ఘాటు వ్యాఖ్య‌లు.. ఏమైందంటే?!

Ravi Sastri on Rishab Pant | శ‌నివారం ముంబైతో మ్యాచ్ ఓట‌మికి ఢిల్లీ జ‌ట్టు స్వ‌యం కృత‌మేన‌ని టీం ఇండియా మాజీ కోచ్ ర‌విశాస్త్రి అన్నాడు.

Ravi Sastri on Rishab Pant | శ‌నివారం రాత్రి ముంబై ఇండియ‌న్ జ‌ట్టుతో జ‌రిగిన మ్యాచ్‌లో ఢిల్లీ క్యాపిట‌ల్స్ సార‌ధి రిష‌బ్ పంత్ తీరుపై టీం ఇండియా మాజీ కోచ్ ఘాటు విమ‌ర్శ‌లు చేశాడు. టిమ్ డేవిడ్ విష‌యంలో రివ్యూ అడ‌గ‌క పోవ‌డాన్ని త‌ప్పు బ‌ట్టాడు. టిమ్ డేవిడ్ వంటి విధ్వంస‌క బ్యాట్స్‌మ‌న్ ప‌రుగులు చేయ‌కుండానే ఔట‌య్యే అవ‌కాశం వ‌స్తే ఉప‌యోగించుకోరా? అని ఆగ్ర‌హం వ్య‌క్తం చేశాడు. ఇంకా ఐదు ఓవ‌ర్లే ఉన్నా.. రెండు స‌మీక్ష‌ల‌ను వాడుకోవాల‌నే క‌నీస ప‌రిజ్ఞానం కూడా ఢిల్లీ సార‌ధి రిష‌బ్ పంత్‌కు తెలియ‌దా? అని మండి ప‌డ్డాడు.

బంతి టిమ్ డేవిడ్ బ్యాట్ అంచును తాకి నేరుగా కీప‌ర్ చేతుల్లో ప‌డిన‌ప్పుడు పంత్ వ‌దిలేస్తే మిగ‌తా ప్లేయ‌ర్లు ఏం చేశార‌ని నిల‌దీశాడు. అప్పటికి మ్యాచ్‌లో ఇంకా ఐదు ఓవ‌ర్లు, రెండు రివ్యూలు ఉన్నాయ‌ని గుర్తు చేశాడు. అప్పుడే క్రీజ్‌లోకి వ‌చ్చిన టిమ్ డేవిడ్‌ను ఔట్ చేసే అవ‌కాశం ఉన్నా.. రివ్యూ కోర‌లేదు.. ఆ మాత్రం ప‌రిజ్ఞానం కూడా లేదా.. టిమ్ డేవిడ్ ఔట‌యి ఉంటే ఢిల్లీ గెలుపొందేద‌న్నాడు. ముంబైతో శ‌నివారం జ‌రిగిన మ్యాచ్‌లో ఓట‌మి ఢిల్లీ క్యాపిట‌ల్స్ చేజేతులా చేసుకున్న‌దేన‌న్నాడు. అయితే, ఇలాంటివి అప్పుడ‌ప్పుడు జ‌రుగుతుంటాయ‌ని ముంబై సార‌ధి రోహిత్ శ‌ర్మ పేర్కొన్నాడు.