Rahul – Athiya wedding | రాహుల్, అథియా వివాహ వేదిక‌పై క్లారిటీ ఇచ్చిన సునీల్ శెట్టి.. ఏం చెప్పాడంటే..?

క్రికెట‌ర్ కేఎల్ రాహుల్, బాలీవుడ్ హీరోయిన్ అథియా శెట్టి పెళ్లి వేదిక ఎక్క‌డనే విష‌యంపై సునీల్ శెట్టి క్లారిటీ ఇచ్చాడు. ఖండాలాలోని త‌న ఫామ్‌హౌస్‌లో రేపు వీళ్ల వివాహం జ‌ర‌గ‌నుంద‌ని చెప్పాడు.

Rahul – Athiya wedding : క్రికెట‌ర్ కేఎల్ రాహుల్, బాలీవుడ్ హీరోయిన్ అథియా శెట్టి పెళ్లి వేదిక ఎక్క‌డనే విష‌యంపై సునీల్ శెట్టి క్లారిటీ ఇచ్చాడు. వీళ్లిద్ద‌రి వివాహం సోమ‌వారం జ‌ర‌గ‌నుంద‌ని ఆయ‌న తెలిపాడు. రాహుల్ – అథియా పెళ్లి గురించి అథియా కుటుంబం అధికారిక ప్ర‌క‌టన చేయడం ఇదే మొద‌టిసారి. ఖండాలాలోని త‌న ఫామ్‌హౌస్‌ ప‌రిస‌రాల్లో ఉన్న ఫొటోగ్రాఫ‌ర్ల‌తో సునీల్ శెట్టి ఆదివారం మాట్లాడాడు. ‘నా భార్య మ‌నా, కుటుంబస‌భ్యుల‌తో పాటు కొత్త‌ దంప‌తులు రాహుల్, అథియాల‌ను రేపు ఉద‌యం నేను మీ ముందుకు తీసుకొస్తాను. మీరు మాపై ఇంత ప్రేమ చూపిస్తున్నందుకు చాలా చాలా థ్యాంక్స్‌’ అని వాళ్ల‌తో చెప్పాడు. అంతేకాదు వాళ్ల‌కు భోజ‌నం, ఇత‌ర ఏర్పాట్లు చేయాల్సిందిగా త‌న సిబ్బందిని ఈ బాలీవుడ్ హీరో ఆదేశించాడు. సునీల్ శెట్టి. ఫొటోగ్రాఫ‌ర్ల‌తో మాట్లాడిన వీడియో ఆన్‌లైన్‌లో వైర‌ల్ అవుతుంది.

గ‌త కొంత కాలంగా ప్రేమ‌లో ఉన్న రాహుల్, అథియా జ‌న‌వ‌రి 23న పెళ్లితో ఒక్క‌ట‌వ్వ‌నున్నారు. అయితే.. వీళ్ల వివాహం ఎక్క‌డ జ‌ర‌గ‌నుంద‌నేది మాత్రం వెల్ల‌డించ‌లేదు. దాంతో అభిమానుల్లో అస‌క్తి మొద‌లైంది. ఖండాలాలోని త‌మ ఫామ్‌హౌస్‌లో రాహుల్, అథియాల పెళ్లి వేడుక జ‌రుగుతుంద‌ని స్పష్టం చేశాడు. శ్రీ‌లంకతో రెండో వ‌న్డేలో రాహుల్ కీల‌క ఇన్నింగ్స్ ఆడి జ‌ట్టును గెలిపించాడు. అత‌ను హాఫ్ సెంచరీతో నాటౌట్‌గా నిల‌వ‌డంతో టీమిండియా వ‌న్డే సిరీస్ కైవ‌సం చేసుకుంది.

 

View this post on Instagram

 

A post shared by Viral Bhayani (@viralbhayani)