Visit:
ఢిల్లీ: నాలుగేండ్లకోసారి జరిగే ఆసియా క్రీడలను ఒలింపిక్స్కు ముందు ఏడాది నిర్వహించేందుకు సన్నాహకాలు జరుగుతున్నాయి. సాధారణంగా ఒలింపిక్స్కు రెండేండ్ల ముందు జరిగే ఈ క్రీడలను ఒక ఏడాది ముందుకు జరిపేందుకు ఒలింపిక్ కౌన్సిల్ ఆఫ్ ఆసియా (ఓసీఏ) ప్రణాళికలు సిద్ధం చేస్తున్నది. ఈ మేరకు ఇటీవలే సన్యా (చైనా)లో సమావేశమైన ఓసీఏ ఎగ్జిక్యూటివ్ బోర్డ్లో చర్చ జరిగినట్టు తెలుస్తున్నది.
ఇలా చేయడం ద్వారా విశ్వక్రీడలకు నేరుగా ఆసియా గేమ్స్ క్వాలిఫికేషన్ ఈవెంట్గానూ నిర్వహించే అవకాశం ఉంటుంది. తద్వారా అథ్లెట్లకు వరల్డ్ చాంపియన్షిప్స్, ఇతర ఈవెంట్లలో పాల్గొనాల్సిన పని ఉండదు. ప్రస్తుతం ఆసియా క్రీడల్లో 40 క్రీడాంశాలుండగా ఒకవేళ ఒలింపిక్స్కు ముందు ఏడాది గనుక నిర్వహిస్తే విశ్వక్రీడలకు తగ్గట్టుగా క్రీడాంశాలనూ పెంచే అవకాశం ఉంది. అయితే ఈ ఏడాది షెడ్యూల్ ప్రకారమే (సెప్టెంబర్ అక్టోబర్లో జపాన్ వేదికగా) జరిగే ఆసియా క్రీడలను దోహాలో జరగాల్సిన 2030 ఎడిషన్ను 2031కు మార్చేందుకు ప్రతిపాదనలు సిద్ధమయ్యాయి.
