Surya Kumar Yadav: ప్ర‌ధాని మోదీని క‌లిసిన టీ20 మాజీ కెప్టెన్ సూర్య‌కుమార్ యాద‌వ్‌

Suryakumar Yadav: టీమిండియా టీ20 జ‌ట్టు మాజీ కెప్టెన్ సూర్య‌కుమార్ యాద‌వ్ ఇవాళ ప్ర‌ధాని మోదీని క‌లిశారు. ఈ సంద‌ర్భంగా 2026 టీ20 వ‌ర‌ల్డ్‌క‌ప్‌లో గెలిచిన గోల్డ్ మెడ‌ల్‌ను క్రికెట‌ర్ సూర్య త‌న మెడ‌లో ధ‌రించాడు. సూర్య దంపతుల‌తో పాటు ఓ బాలిక కూడా మోదీని క‌లిసింది.

న్యూఢిల్లీ: టీమిండియా టీ20 జ‌ట్టు మాజీ కెప్టెన్ సూర్య‌కుమార్ యాద‌వ్(Surya Kumar Yadav) ఇవాళ ప్ర‌ధాని మోదీని క‌లిశారు. దేశ రాజ‌ధానిలో సూర్య కుమార్‌, ఆయ‌న భార్య దేవీశా శెట్టి.. ప్ర‌ధాని మోదీతో స‌మ‌యాన్ని గ‌డిపారు. ఈ సంద‌ర్భంగా 2026 టీ20 వ‌ర‌ల్డ్‌క‌ప్‌లో గెలిచిన గోల్డ్ మెడ‌ల్‌ను క్రికెట‌ర్ సూర్య త‌న మెడ‌లో ధ‌రించాడు. సూర్య దంపతుల‌తో పాటు ఓ బాలిక కూడా మోదీని క‌లిసింది. ఆ చిన్నారి క‌న్న‌డ భాష‌లో గ‌ణేశుడి భ‌క్తి కీర్త‌న‌ల‌ను పాడి ప్ర‌ధానికి వినిపించింది. ప్ర‌ధాని మోదీ ఆ వీడియోను త‌న ఎక్స్ అకౌంట్‌లో షేర్ చేశారు. దీపావ‌ళి వేళ‌.. రాముడు, స‌ర‌యూ దివ్యంగా వెలిగిపోయార‌ని, ఆ శుభ‌ప్ర‌ద‌మైన క్ష‌ణాలు దీపావ‌ళి పండుగ‌ను మ‌రింత కాంతివంత‌గా మార్చాయ‌ని మోదీ త‌న వీడియోలో పేర్కొన్నారు. శ్రీరాముడు 14 ఏళ్ల వ‌న‌వాసం త‌ర్వాత అయోధ్య‌కు చేరుకుంటాడ‌ని, ఈ నేప‌థ్యంలో స‌ర‌యూ తీరంలో దీపావ‌ళి సంబ‌రాలు జ‌రుగుతాయ‌న్న ఉద్దేశాన్ని ప్ర‌ధాని త‌న మెసేజ్ ద్వారా వెల్ల‌డించారు.

दीपावली के माहौल में राम और सरयू का आगमन हुआ है। इससे दीपावली का वातावरण और भी पावन एवं दिव्य हो गया है।

@surya_14kumar https://t.co/B6vwr35Iwm

— Narendra Modi (@narendramodi) November 6, 2026