రాజస్థాన్ రాయల్స్తో జరుగుతున్న మ్యాచ్లో పంజాబ్ కింగ్స్ బ్యాటర్ జానీ బెయిర్స్టో అదరగొడుతున్నాడు. వరుసగా రెండో మ్యాచులోనూ ఓపెనర్ అవతారం ఎత్తిన అతను.. హాఫ్ సెంచరీతో సత్తా చాటాడు. అయితే అతనికి ధవన్ (12) నుంచి పెద్దగా సహకారం అందలేదు.
మ్యాచ్ ఆరంభమైన దగ్గర నుంచి ఇబ్బందిగా ఆడిన ధవన్.. చివరకు అశ్విన్ బౌలింగ్లో పెవిలియన్ చేరాడు. భానుక రాజపక్స (27) కాసేపు ఫర్వాలేదనిపించినా.. అతన్ని చాహల్ బౌల్డ్ చేశాడు. కాసేపటికే కెప్టెన్ మయాంక్ అగర్వాల్ (15)ను కూడా చాహల్ అవుట్ చేశాడు. బట్లర్కే క్యాచ్ ఇచ్చిన అగర్వాల్ మైదానం వీడాడు.
అదే ఓవర్లో మరోసారి సత్తా చాటిన చాహల్.. బెయిర్ స్టో (56)ను ఎల్బీడబ్ల్యూగా పెవిలియన్ చేర్చాడు. అంపైర్ అవుట్ ఇచ్చిన వెంటనే బెయిర్స్టో రివ్యూ కోరాడు. అయితే రిప్లే చూసిన తర్వాత కూడా అతను అవుటనే అంపైర్ నిర్ణయించడంతో పెవిలియన్ చేరాడు.