పంజాబ్తో జరుగుతున్న మ్యాచ్లో లక్నో సూపర్ జెయింట్స్ బ్యాటింగ్ తడబడింది. ఫామ్లో ఉన్న కెప్టెన్ కేఎల్ రాహుల్ (6) విఫలమవడంతో.. ఇన్నింగ్స్ చక్కదిద్దాల్సిన బాధ్యత మరో ఓపెనర్ క్వింటన్ డీకాక్ (46), దీపక్ హుడా (34) మీద పడింది. వీళ్లిద్దరూ అనవసర షాట్లకు పోకుండా ఆచితూచి ఆడుతూ ఇన్నింగ్స్ నిర్మించారు.
అయితే పదమూడో ఓవర్లో సందీప్ శర్మ బౌలింగ్లో డీకాక్ అవుటవడంతో లక్నో బ్యాటింగ్ లైనప్ పతనం మొదలైంది. ఆ తర్వాతి ఓవర్లోనే దీపక్ హుడాను బెయిర్స్టో రనౌట్ చేశాడు. కృనాల్ పాండ్యా (7), ఆయుష్ బదోనీ (4), మార్కస్ స్టొయినిస్ (1), జేసన్ హోల్డర్ (11) నిరాశపరిచారు.
చివర్లో దుష్మంత చమీర (17) వరుసగా రెండు సిక్సర్లు బాదినా.. ఈ తర్వాతి బంతికే రబాడ బౌలింగ్లో చాహర్కు క్యాచ్ ఇచ్చి పెవిలియన్ చేరాడు. దీంతో నిర్ణీత 20 ఓవర్లు ముగిసే సరికి లక్నో జట్టు 8 వికెట్ల నష్టానికి 153 పరుగులు చేసింది. పంజాబ్ బౌలర్లలో రబాడ 4, చాహర్ 2, సందీప్ శర్మ ఒక వికెట్ తీసుకున్నారు.