Neeraj Chopra: లుసేన్ డైమండ్ లీగ్ గెలిచిన నీరజ్ చోప్రా.. వీడియో

Neeraj Chopra: లుసేన్‌లో జ‌రిగిన ఈవెంట్‌లో త‌న జావెలిన్‌ను 87.66 మీట‌ర్ల దూరం విసిరి టాప్ ప్లేస్ కొట్టేశాడు నీర‌జ్ చోప్రా. డైమండ్ లీగ్ ఫైన‌ల్స్ కోసం త‌న పాయింట్ల ప‌ట్టిక‌ను పెంచేసుకున్నాడు. గాయం వ‌ల్ల దాదాపు నెల రోజుల పాటు రెస్టు తీసుకున్న నీర‌జ్‌.. లుసేన్ ఈవెంట్‌లో త‌న అయిదో ప్ర‌య‌త్నంలో జావెలిన్‌ను 87.66 మీట‌ర్ల దూరం విసిరాడు.

లుసేన్‌: మేటి జావెలిన్ త్రోయ‌ర్ నీర‌జ్ చోప్రా(Neeraj Chopra).. డైమండ్ లీగ్‌లో మ‌ళ్లీ స‌త్తా చాటాడు. లుసేన్‌లో జ‌రిగిన ఈవెంట్‌లో త‌న జావెలిన్‌ను 87.66 మీట‌ర్ల దూరం విసిరి టాప్ ప్లేస్ కొట్టేశాడు. డైమండ్ లీగ్ ఫైన‌ల్స్ కోసం త‌న పాయింట్ల ప‌ట్టిక‌ను పెంచేసుకున్నాడు. దాదాపు గాయం వ‌ల్ల నెల రోజుల పాటు రెస్టు తీసుకున్న నీర‌జ్‌.. లుసేన్ ఈవెంట్‌లో త‌న అయిదో ప్ర‌య‌త్నంలో జావెలిన్‌ను 87.66 మీట‌ర్ల దూరం విసిరాడు. తొలుత ఫౌల్‌తో స్టార్ట్ చేసి అత‌ను ఆ త‌ర్వాత 83.52 మీట‌ర్లు, 85.04 మీట‌ర్ల దూరం జావెలిన్ త్రో చేశాడు. ఇక త‌న నాలుగో ప్ర‌య‌త్నంలో మ‌ళ్లీ ఫౌల్ అయ్యాడు.

Neeraj Chopra Win Lausanne Diamond League with brilliant 87.66m throw

Good series of 83.52 , 85.04, 87.66 and 84.15 by Olympic Champion

Second win for neeraj at this year DL , he leads JT ranking after 2 meeting @afiindia pic.twitter.com/9UTJ0ebgCz

— Sports India (@SportsIndia3) June 30, 2023

అయిదోసారి మాత్రం 87.66 మీట‌ర్ల దూరం త్రో చేశాడు. ఆర‌వ‌, ఏడో ప్ర‌య‌త్నంలో అత‌ను జావెలిన్‌ను 84.15 మీట‌ర్ల దూరం విసిరాడు. జ‌ర్మ‌నీకి చెందిన జులియ‌న్ వెబ‌ర్ రెండో స్థానంలో నిలిచాడు. అత‌ను 87.03 మీట‌ర్ల దూరం వేశాడు. చెక్ రిప‌బ్లిక్‌కు చెందిన జాకుబ్ వ‌ద్లేజ్ 86.13 మీట‌ర్ల దూరం వేశాడు. గ‌త ఏడాది ఆగ‌స్టులోనూ లుసేన్ డైమండ్ లీగ్‌ను నీర‌జ్ చోప్రా గెలిచాడు. ఆ త‌ర్వాత నెల‌లోనే అత‌ను లీగ్ ట్రోఫీని చేజిక్కించుకున్నాడు. ఈ ఏడాది మేలో దోహాలో జ‌రిగిన డైమండ్ లీగ్‌ను నీర‌జ్ గెలుచుకున్న విష‌యం తెలిసిందే.