CSK vs LSG : లక్నో గడ్డపై చెన్నై సూపర్ కింగ్స్(Chennai Super Kings) బ్యాటర్లు తడబడుతున్నారు. ఎల్ఎస్జీ బౌలర్ల ధాటికి సీఎస్కే కీలక ఆటగాళ్లంతా పెవిలియన్ చేరారు. 33 పరుగులకే ఓపెనర్లను కోల్పోయిన చెన్నై ఏ దశలోనూ కోలుకోలేదు. జడేజా(40) ఒక ఎండ్లో పాతుకుపోయినా.. వచ్చిన వాళ్లు వచ్చినట్టు పెవిలియన్ చేరారు.
ఈ సీజన్లో భీకర ఫామ్లో ఉన్న శివం దూబే(3)ను స్టోయినిస్ తొలి బంతికే బోల్తా కొట్టించాడు. ఆ తర్వాత వచ్చిన ఇంప్యాక్ట్ ప్లేయర్ సమీర్ రిజ్వీ(0) భారీ షాట్ ఆడబోయి స్టంపౌట్ అయ్యాడు. దాంతో, 90 పరుగులకే 5 వికెట్లు కోల్పోయిన సీఎస్కే గౌరవప్రదమైన స్కోర్ కోసం పోరాడుతోంది. ప్రస్తుతం జడేజా.. మోయిన్ అలీ(7)తో ఇన్నింగ్స్ నిర్మిస్తున్నాడు. 15 ఓవర్లకు చెన్నై స్కోర్.. 105/5.
📽️ ICYMI!
Krunal Pandya gets the well-set Ajinkya Rahane with a timber strike ⚡️#TATAIPL | #LSGvCSKhttps://t.co/uJbIJJfGmZ
— IndianPremierLeague (@IPL) April 19, 2024
టాస్ ఓడిన సీఎస్కేకు ఆదిలోనే షాక్. ఫామ్లో లేని ఓపెనర్ రచిన్ రవింద్ర(0)ను మొహ్సిన్ ఖాన్ బౌల్డ్ చేసి లక్నోకు బ్రేక్ ఇచ్చాడు. ఆ షాక్ నుంచి తేరుకునే లోపే యశ్ ఠాకూర్ సూపర్ బాల్తో రుతురాజ్ గైక్వాడ్(17)ను వెనక్కి పంపాడు. దాంతో, 33 పరుగుల వద్ద సీఎస్కే రెండో వికెట్ పడింది. ఆ దశలో క్రీజులోకి వచ్చిన జడ్డూ.. అజింక్యా రహానే(36)తో కలిసి ధాటిగా ఆడాడు.
Yash Thakur gets the #CSK captain!
A successful powerplay for @LucknowIPL as Ruturaj Gaikwad is caught behind for 17
Follow the Match ▶️ https://t.co/PpXrbLNaDm#TATAIPL | #LSGvCSK pic.twitter.com/9GXBxoU47f
— IndianPremierLeague (@IPL) April 19, 2024
అయితే.. ఈ జోడీని విడదీసేందుకు రాహుల్ స్పిన్ అస్త్రమైన కృనాల్ పాండ్యాను రంగంలోకి దించి ఫలితం సాధించాడు. రహానే బౌల్డ్ అయ్యాక వచ్చిన దూబే(3)ను స్టోయినిస్ తెలివిగా బోల్తా కొట్టించాడు. ఆ తర్వాతి ఓవర్లో కృనాల్ ఊరించే బంతి వేయగా.. రిజ్వీ తొందరపాటుకు గురై స్టంపౌట్ అయ్యాడు.