జపాన్‌ ఫైనల్లో లక్ష్యసేన్‌

జపాన్‌ మాస్టర్స్‌ సూపర్‌ 500 బ్యాడ్మింటన్‌ టోర్నీలో భారత స్టార్‌ షట్లర్‌ లక్ష్యసేన్‌ ఫైనల్‌కు దూసుకెళ్లాడు.

కుమమోటో: జపాన్‌ మాస్టర్స్‌ సూపర్‌ 500 బ్యాడ్మింటన్‌ టోర్నీలో భారత స్టార్‌ షట్లర్‌ లక్ష్యసేన్‌ ఫైనల్‌కు దూసుకెళ్లాడు. పురుషుల సింగిల్స్‌ లో ఈ ఘనత సాధించిన భారత తొలి షట్లర్‌ గా నిలిచాడు. శనివారం జరిగిన సెమీఫైనల్లో సేన్‌ 21-12, 15-21, 21-11తో ప్రపంచ 10వ ర్యాంకర్‌, ఇండోనేసియా ఆటగాడు అల్వీ ఫర్హాన్‌కు షాకిచ్చాడు. ప్రపంచ 13వ ర్యాంకర్‌ అయిన లక్ష్యసేన్‌ ఆదివారం జరిగే ఫైనల్లో జపాన్‌ కు చెందిన కొకి వటానబేతో అమీతుమీ తేల్చుకోనున్నాడు.