INDvsSA: టెస్టు సిరీస్‌కు ముందే భారత్‌కు మరో షాక్‌.. స్టార్‌ వికెట్‌ కీపర్‌ ఔట్‌

INDvsSA: ఇదివరకే టెస్టు జట్టు నుంచి స్టార్‌ పేసర్‌ మహ్మద్‌ షమీ చీలమండ గాయం కారణంగా సిరీస్‌ నుంచి తప్పుకున్న విషయం తెలిసిందే. తాజాగా వికెట్‌ కీపర్‌ బ్యాటర్‌...

INDvsSA: దక్షిణాఫ్రికా పర్యటనలో ఉన్న భారత జట్టుకు టెస్టు సిరీస్‌కు ముందే వరుస షాకులు తాకుతున్నాయి. ఇదివరకే టెస్టు జట్టు నుంచి స్టార్‌ పేసర్‌ మహ్మద్‌ షమీ చీలమండ గాయం కారణంగా సిరీస్‌ నుంచి తప్పుకున్న విషయం తెలిసిందే. తాజాగా వికెట్‌ కీపర్‌ బ్యాటర్‌ ఇషాన్‌ కిషన్‌ కూడా టెస్టు జట్టు నుంచి తప్పుకున్నాడు. అతడి స్థానంలో ఆంధ్రా కుర్రాడు కోన శ్రీకర్‌ భరత్‌ను జట్టులో చేర్చుతూ భారత క్రికెట్‌ నియంత్రణ మండలి (బీసీసీఐ) ఓ ప్రకటనలో ఈ విషయాన్ని వెల్లడించింది.

ఇషాన్‌ కిషన్‌ టెస్టు జట్టు నుంచి రిలీజ్‌ కావడానికి వ్యక్తిగత కారణాలు అని బీసీసీఐ ప్రకటనలో పేర్కొంది. సిరీస్‌ నుంచి విడుదల చేయాలని అతడే స్వయంగా కోరినట్టు బీసీసీఐ తెలిపింది. టెస్టు సిరీస్‌ ఆరంభానికి (డిసెంబర్‌ 26) ఇంకా పది రోజుల సమయం ఉండటంతో మళ్లీ ఏమైనా షాకులుంటాయేమోనని అభిమానులు ఆందోళన చెందుతున్నారు. ఇషాన్‌ రిలీజ్‌ తర్వాత భారత టెస్టు జట్టు ఇలా ఉంది. కెఎస్‌ భరత్‌ ప్రస్తుతం ఇండియా – ఏ టీమ్‌తో దక్షిణాఫ్రికాలోనే ఉన్న విషయం విదితమే.

 

🚨 UPDATE 🚨: Ishan Kishan withdrawn from #TeamIndia’s Test squad. KS Bharat named as replacement. #SAvIND

Details 🔽https://t.co/KqldTEeD0T

— BCCI (@BCCI) December 17, 2023

టీమిండియా: రోహిత్‌ శర్మ (కెప్టెన్‌), శుభ్‌మన్‌ గిల్‌, యశస్వి జైస్వాల్‌, విరాట్‌ కోహ్లీ, శ్రేయస్‌ అయ్యర్‌, రుతురాజ్‌ గైక్వాడ్‌, కెఎల్‌ రాహుల్‌ (వికెట్‌కీపర్‌), రవిచంద్రన్‌ అశ్విన్‌, రవీంద్ర జడేజా, శార్దూల్‌ ఠాకూర్‌, మహ్మద్‌ సిరాజ్‌, ముకేశ్‌ కుమార్‌, జస్ప్రిత్‌ బుమ్రా (వైస్‌ కెప్టెన్‌), ప్రసిధ్‌ కృష్ణ, కెఎస్‌ భరత్‌ (వికెట్‌ కీపర్‌)