బాకు(అజర్బైజాన్): భారత యువ గ్రాండ్మాస్టర్ ఆర్ ప్రజ్ఞానంద చరిత్రాత్మక విజ యం సాధించాడు. ప్రతిష్ఠాత్మక ఫిడే చెస్ ప్రపంచకప్ ఫైనల్లోకి దూసుకెళ్లి కొత్త చరిత్ర లిఖించాడు. రౌండ్ రౌండ్కు తన ఆటతీరుకు మరింత మెరుగులు అద్దుకుంటూ ప్రజ్ఞా నంద.. టైటిల్ ఫెవరేట్లను మట్టికరిపిస్తూ ముందుకు సాగుతున్నాడు. ఆద్యంతం ఆసక్తికరంగా సాగిన సెమీస్ పోరులో ప్రజ్ఞానంద 3.5-2.5 తేడాతో ప్రపంచ మూడో నంబర్ ప్లేయర్ ఫాబియానో కరునపై సంచలన విజయం సాధించాడు.
ఇద్దరి మధ్య రెండు క్లాసిక్ గేములు 1-1తో డ్రా కావడంతో విజేతను నిర్ణయించేందుకు టైబ్రేక్ అనివార్యమైంది. తన కంటే మెరుగైన ర్యాంక్లో ఉన్న ఫాబియానోను కట్టడి చేయడంలో యువ జీఎం పూర్తిగా సఫలమయ్యాడు. ఏ దశలోనూ పుంజుకునేందుకు అవకాశమివ్వని ఎత్తుకు పైఎత్తు వేస్తూ అమెరికా జీఎంను ఓడించాడు. ఇక ఇప్పటికే ఫైనల్ చేరుకున్న ప్రపంచ నంబర్వన్ మాగ్నస్ కార్ల్సన్తో టైటిల్ పోరులో అమీతుమీ తేల్చుకోనున్నాడు. రెండు, మూడు స్థానాల కోసం ఫాబియానో, అబసోవ్ మధ్య పోరు జరుగనుంది.
మెగాటోర్నీలో టాప్-3లో నిలువడం ద్వారా వచ్చే ఏడాది జరిగే క్యాండిడేట్ టోర్నీకి ప్రజ్ఞానంద అర్హత సాధించిన విషయం తెలిసిందే. ఇదిలా ఉంటే మెగాటోర్నీలో ఫైనల్ చేరిన ప్రజ్ఙానందను చెస్ దిగ్గజం విశ్వనాథన్ ఆనంద్ ట్విట్టర్లో ప్రత్యేకంగా అభినందించాడు.
2 చెస్ ప్రపంచకప్లో సెమీఫైనల్ చేరుకున్న రెండో భారత గ్రాండ్మాస్టర్ ప్రజ్ఞానంద. ఇంతకుముందు ఈ ఘనతను విశ్వనాథన్ ఆనంద్ దక్కించుకున్నాడు.
3 క్యాండిడేట్ టోర్నీకి అర్హత సాధించిన మూడో అతిపిన్న వయస్కునిగా ప్రజ్ఞానంద (18 ఏండ్లు) నిలిచాడు.
బాబీ ఫిషర్, కార్ల్సన్.. ముందువరుసలో ఉన్నారు.