Candidates Chess Tourney | క్యాండిడేట్స్‌ చెస్‌ టోర్నీలో భారత గ్రాండ్‌మాస్టర్లకు నిరాశ

క్యాండిడేట్స్‌ చెస్‌ టోర్నీ 11వ రౌండ్‌లో భారత గ్రాండ్‌ మాస్టర్లకు నిరాశే ఎదురైంది.

• గుకేశ్‌ గేమ్‌ డ్రా.. ప్రజ్ఞానంద, విదిత్‌కు ఓటమి

Candidates Chess Tourney | టొరంటో: క్యాండిడేట్స్‌ చెస్‌ టోర్నీ 11వ రౌండ్‌లో భారత గ్రాండ్‌ మాస్టర్లకు నిరాశే ఎదురైంది. ఈ రౌండ్‌ ముందు వరకూ రష్యా ఆటగాడు ఇయాన్‌ నెపొనియాచితో సంయుక్తంగా అగ్రస్థానంలో కొనసాగుతూ వచ్చిన దొమ్మరాజు గుకేశ్‌.. గురువారం టాప్‌ సీడ్‌ ఫాబియానా కరువానతో జరిగిన గేమ్‌ను డ్రా చేసుకువడంతో అతడు 6.5 పాయింట్లతో రెండో స్థానానికి పడిపోయాడు. మరో గేమ్‌లో విదిత్‌ గుజరాతిని ఓడించిన నెపొనియాచి 7 పాయింట్లతో అగ్రస్థానాన్ని ఆక్రమించాడు. అమెరికా ఆటగాడు హికారు నకమురాతో గేమ్‌లో ప్రజ్ఞానంద ఓటమి పాలయ్యాడు.