భారత్‌ పాక్‌ ఫైనల్‌ ఫైట్‌

అండర్‌-19 ఆసియా కప్‌ క్రికెట్‌ టోర్నమెంట్‌లో అంతిమ పోరుకు రంగం సిద్ధమైంది. శనివారం జరిగే ఫైనల్లో చిరకాల ప్రత్యర్థులు భారత్‌, పాకిస్థాన్‌ జట్లు అమీతుమీ తేల్చుకోనున్నాయి. రికార్డు స్థాయిలో తొమ్మిదో టైటిల్‌ను కైవసం చేసుకోవడంతో పాటు, గత ఎడిషన్‌ ఫైనల్లో, ఈ టోర్నీ లీగ్‌ దశలోనూ పాకిస్థాన్‌ చేతిలో ఎదురైన పరాజయాలకు బలమైన ప్రతీకారం తీర్చుకోవాలని యువ జట్టు కసిగా ఉంది.

• నేడే అండర్‌-19 ఆసియాకప్‌ తుదిపోరు

• ఉదయం 10.30 గంటల నుంచి సోనీ స్పోర్ట్స్‌ లో

అల్‌ అమెరత్‌ (ఒమన్‌): అండర్‌-19 ఆసియా కప్‌ క్రికెట్‌ టోర్నమెంట్‌లో అంతిమ పోరుకు రంగం సిద్ధమైంది. శనివారం జరిగే ఫైనల్లో చిరకాల ప్రత్యర్థులు భారత్‌, పాకిస్థాన్‌ జట్లు అమీతుమీ తేల్చుకోనున్నాయి. రికార్డు స్థాయిలో తొమ్మిదో టైటిల్‌ను కైవసం చేసుకోవడంతో పాటు, గత ఎడిషన్‌ ఫైనల్లో, ఈ టోర్నీ లీగ్‌ దశలోనూ పాకిస్థాన్‌ చేతిలో ఎదురైన పరాజయాలకు బలమైన ప్రతీకారం తీర్చుకోవాలని యువ జట్టు కసిగా ఉంది. పాక్‌ను ఎదురించి ఆసియా కప్‌ను తిరిగి సొంతం చేసుకోవాలంటే భారత యువ బ్యాటర్‌ ఆర్యవీర్‌ సెహ్వాగ్‌, పేసర్‌ ఇషాన్‌ సూద్‌తో పాటు ఇతర ఆటగాళ్ల నుంచి మెరుగైన సహకారం అవసరం.

భారత మాజీ ఓపెనర్‌ సెహ్వాగ్‌ కుమారుడైన ఆర్యవీర్‌ సెహ్వాగ్‌ ఈ టోర్నీలో అద్భుతమైన ఫామ్‌లో ఉన్నాడు. 303 పరుగులు చేసి టోర్నీ టాప స్కోరర్‌గా అగ్రస్థానంలో కొనసాగుతున్నాడు. బౌలింగ్‌లో పేసర్‌ ఇషాన్‌ సూద్‌ 4 మ్యాచ్‌ల్లో 11 వికెట్లు పడగొట్టి భారత దాడిని ముందుండి నడిపిస్తున్నాడు. కానీ, కెప్టెన్‌ లక్ష్య రాయ్‌చందానీ, అన్వయ్‌ ద్రవిడ్‌, మిడిలార్డర్‌ బ్యాటర్లు అర్జున్‌ రాజ్‌పుత్‌, వీకే వినీత్‌ ఒక్కో మ్యాచ్‌లో మెరిసినప్పటికీ సమష్టిగా రాణించలేకపోయారు. ఫైనల్లో మిడిలార్డర్‌ బ్యాటర్లు రాణించాల్సి ఉంది. బౌలింగ్‌లోనూ సూద్‌తో పాటు స్పిన్నర్లు రాజ్‌పుత్‌, మనాల్‌ చౌహాన్‌ల నుంచి మెరుగైన ప్రదర్శన రావాల్సి ఉంది.