ఇంతియాజ్‌ పాంచ్‌ పటాకా

హెచ్‌సీఏ వన్డే లీగ్‌లో విక్టోరియా బౌలర్‌ ఇంతియాజ్‌ అలీ ఖాన్‌ ఐదు వికెట్లతో సత్తాచాటాడు. ఫలితంగా స్టార్‌లెట్స్‌తో సోమవారం జరిగిన పోరులో విక్టోరియా జట్టు 215 పరుగుల తేడాతో విజయం సాధించింది.

హైదరాబాద్‌, ఆట ప్రతినిధి: హెచ్‌సీఏ వన్డే లీగ్‌లో విక్టోరియా బౌలర్‌ ఇంతియాజ్‌ అలీ ఖాన్‌ ఐదు వికెట్లతో సత్తాచాటాడు. ఫలితంగా స్టార్‌లెట్స్‌తో సోమవారం జరిగిన పోరులో విక్టోరియా జట్టు 215 పరుగుల తేడాతో విజయం సాధించింది. మొదట బ్యాటింగ్‌ చేసిన విక్టోరియా నిర్ణీత 45 ఓవర్లలో 9 వికెట్లకు 316 పరుగులు చేసింది.

ఇర్ఫాన్‌ (145 నాటౌట్‌); 20 ఫోర్లు, 2 సిక్సర్లు) సెంచరీతో ఆకట్టుకున్నాడు. అనంతరం భారీ లక్ష్యఛేదనలో స్టార్‌లెట్స్‌ 20.4 ఓవర్లలో 101 పరుగులకు ఆలౌటైంది. లెగ్‌ స్పిన్నర్‌ ఇంతియాజ్‌ 6.4 ఓవర్లలో 28 పరుగులే ఇచ్చి 5 వికెట్లు పడగొట్టి విక్టోరియా విజయంలో కీలక పాత్ర పోషించాడు.