US Open 2023 : ఈసారి యూఎస్ ఓపెన్(US Open 2023) కళ తప్పనుంది. మహిళల సింగిల్స్లో మాజీ చాంపియన్ బియంకా అండ్రెస్క్(Bianca Andreescu) టోర్నీ నుంచి వైదొలగడమే అందుకు కారణం. వెన్నెముక గాయం(Back Injury) కారణంగా టోర్నీ నుంచి తప్పుకుంటున్నట్టు ఆమె నిర్వాహకులకు తెలిపింది. ‘వాషింగ్టన్లో జరిగిన సిన్సినాటి మాస్టర్స్(Cincinnati Masters) టోర్నీ సమయంలోనే వెన్నులో నొప్పి మొదలైంది. క్రమంగా ఆ నొప్పి తీవ్రత ఎక్కువైంది. దాంతో, ఆ తెల్లారి శక్తినంతా కూడదీసుకొని ఆడాను. ఆ తర్వాత వైద్య పరీక్షలు చేయించుకున్నా. వెన్నెముకలో చిన్నపాటి గాయం అయినట్టు స్కానింగ్లో తేలింది.
అందుకని విశ్రాంతి తీసుకోవాలని నిర్ణయించుకున్నా. నా గురించి బాగా తెలిసిన వాళ్లకు ఈ నిర్ణయం తీసుకోవడం ఎంత కష్టమో అర్థమవుతుంది. వచ్చే ఏడాది మీ అందర్నీ కలుస్తాను. మరింత బలంగా తిరిగొస్తాను’ అని ఈ సెర్బియా స్టార్ వెల్లడించింది. 2019లో బియాంక చాంపియన్గా నిలిచింది. ఫైనల్లో ఓడించి ట్రోఫీని అందుకుంది.
2019లో యూఎస్ ఓపెన్ ట్రోఫీ అందుకున్న బియంకా
యూఎస్ ఓపెన్ ప్రారంభం కానుంది. తొలిరౌండ్లో బియాంక ఉక్రెయిన్కు చెందిన లెసియా సురెన్కో(Lesia Tsurenko)తో తలపడాల్సి ఉంది. కానీ, గాయంతో ఆమె తప్పుకోవడంతో లెసియా రెండో రౌండ్లో అడుగు పెట్టనుంది. అంతేకాదు మాజీ వరల్డ్ నంబర్ 2 పౌల బడోస(Paula Badosa) కూడా గాయం కారణంగా టోర్నీ నుంచి వైదొలుగుతున్నట్టు తెలిపింది. దాంతో, మొదటి రౌండ్లో ఆమె ప్రత్యర్థి మాజీ చాంపియన్ వీనస్ విలియమ్స్(Venus Williams) రెండో రౌండ్లో కాలు మోపనుంది.