Visit:
లండన్: క్రికెట్లో షోయబ్ అక్తర్, బ్రెట్ లీ వంటి ఫాస్ట్బౌలర్లు వికెట్ల వెనుక కొద్దిదూరం పరుగెత్తుకుంటూ వస్తేనే బంతిని సంధించాక అలసటకు గురౌతారు. కానీ ఇంగ్లండ్కు చెందిన ఓ వ్యక్తి ఒక బాల్ను విసిరేందుకు 14 గంటల్లో ఏకంగా 100 కిలోమీటర్లు పరుగెత్తుకొని రావడం విశేషం. ఈ మారథాన్ డెలివరీ సంధించిన వ్యక్తి పేరు సామ్ బొడొనొ. ఇంగ్లండ్లోని సర్రేకు చెందిన బొడొనొ.. ఆ దేశ దిగ్గజ క్రికెటర్ ఆండ్రూ స్ట్రాస్ భార్య పేరిట ఏర్పాటుచేసిన ‘ది రుత్ స్ట్రాస్ ఫౌండేషన్’ కోసం నిధుల సేకరణ నిమిత్తం ఈ పనిచేశాడు.
లండన్లోని లార్డ్స్ క్రికెట్ గ్రౌండ్ నుంచి ఆగస్టు 29 అర్ధరాత్రి మొదలైన అతడి ప్రయాణం.. ఆ మరుసటి రోజు మధ్యాహ్నం రెండు గంటలకు సర్రేలోని ఓ స్థానిక క్రికెట్ క్లబ్లో బంతిని విసరడంతో పూర్తైంది. క్రికెట్లో ఇదే లాంగెస్ట్ బౌలింగ్ రనప్. 2024లో ఇంగ్లండ్కే చెందిన టామ్ డన్ అనే వ్యక్తి 24 కి.మీ. పరుగెత్తి బాల్ విసిరాడు. బొడొనొ రికార్డును గిన్నిస్ వరల్డ్ రికార్డులో చేర్చనున్నారు.
