AUS vs ENG | ఓవల్: ప్రతిష్ఠాత్మక యాషెస్ సిరీస్ ఐదో టెస్టులోనూ బజ్బాల్ ఆటతీరు కొనసాగించిన ఇంగ్లండ్ తొలి ఇన్నింగ్స్లో 283 పరుగులకు ఆలౌటైంది. 5.17 రన్రేట్తో పరుగులు రాబట్టిన ఇంగ్లిష్ జట్టు.. 54.4 ఓవర్లలోనే కుప్పకూలింది. హ్యరీ బ్రూక్ (85; 11 ఫోర్లు, 2 సిక్సర్లు) టాప్ స్కోరర్గా నిలువగా.. బెన్ డకెట్ (41), మోయిన్ అలీ (34), వోక్స్ (36) తలా కొన్ని పరుగులు చేశారు.
కెప్టెన్ బెన్ స్టోక్స్ (3), మాజీ కెప్టెన్ జో రూట్ (5), బెయిర్ స్టో (4) విఫలమయ్యారు. కంగారూ బౌలర్లలో స్టార్క్ 4, హజిల్వుడ్, మార్ఫీ చెరో రెండు వికెట్లు పడగొట్టారు. అనంతరం తొలి ఇన్నింగ్స్ ప్రారంభించిన ఆసీస్ తొలి రోజు గురువారం ఆట ముగిసే సమయానికి మొదటి ఇన్నింగ్స్లో వికెట్ నష్టానికి 61 పరుగులు చేసింది. చేతిలో 9 వికెట్లు ఉన్న ఆస్ట్రేలియా ప్రత్యర్థి స్కోరుకు ఇంకా 222 పరుగులు వెనుకబడి ఉంది.