Junior Jonty Rhodes | ఒంటిచేత్తో డైవింగ్ క్యాచ్.. జాంటీ రోడ్స్‌ను తలపించిన సఫారీ కుర్రాడు

Junior Jonty Rhodes : క్రికెట్ మైదానంలో పక్షిని తలపించేలా విన్యాసాలు చేస్తుంటారు కొందరు ఫీల్డర్లు. ప్రపంచ క్రికెట్‌లో అత్యుత్తమ ఫీల్డర్ అంటే ఇప్పటికీ మనందరికి జాంటీ రోడ్స్‌ (Jonty Rhodes) గుర్తుకొస్తాడు. తాజాగా సఫారీల జట్టులోనే ఓ కుర్రాడు కళ్లుచెదిరే క్యాచ్‌తో రోడ్స్‌ను గుర్తుకు చేశాడు.

Junior Jonty Rhodes : క్రికెట్ మైదానంలో పక్షిని తలపించేలా విన్యాసాలు చేస్తుంటారు కొందరు ఫీల్డర్లు. ప్రపంచ క్రికెట్‌లో అత్యుత్తమ ఫీల్డర్ అంటే ఇప్పటికీ మనందరికి జాంటీ రోడ్స్‌ (Jonty Rhodes) గుర్తుకొస్తాడు. దక్షిణాఫ్రికాకు చెందిన ఈ ఆటగాడు అమాంతం గాల్లో తేలుతూ క్యాచ్‌లు పట్టడం, మెరుపు వేగంతో రనౌట్స్ చేసిన సందర్భాలు చాలానే. రోడ్స్ రిటైరయ్యాక అతడిలా ఫీల్డింగ్ చేసేవాళ్లు అరుదుగా కనిపిస్తున్నారు. తాజాగా సఫారీల జట్టులోనే ఓ కుర్రాడు కళ్లుచెదిరే క్యాచ్‌తో రోడ్స్‌ను గుర్తుకు చేశాడు.

రాంచీలో జరగుతున్న తొలి వన్డేలో దక్షిణాఫ్రికా యువకెరటం డెవాల్డ్ బ్రెవిస్ (Dewald Brevis) వండర్ బాయ్‌లా క్యాచ్ పట్టాడు. బార్ట్‌మన్ వేసిన 27వ ఓవర్ మూడో బంతికి భారత బ్యాటర్ రుతురాజ్ గైక్వాడ్(8) బ్యాక్‌వర్డ్ పాయింట్‌లో షాట్ ఆడాడు. అక్కడే కాచుకొని ఉన్న బ్రెవిస్‌ బంతిని గమనించి కుడివైపు డైవ్ చేస్తూ ఒడుపుగా ఒంటిచేత్తో క్యాచ్ పట్టేశాడు.

What a catch by Dewald Brevis !

Sabotaged the innings of his own IPL franchise CSK captain Ruturaj Gaikwad 😂#INDvSA #TeamIndia #RuturajGaikwad pic.twitter.com/AHd4LCUrD7

— Prateek (@prateek_295) November 30, 2025

నమ్మశక్యంకాని విధంగా అతడు పట్టిన ఆ క్యాచ్ క్రికెట్ ఫ్యాన్స్‌కు జాంటీ రోడ్స్‌ను మరోసారి చూసిన ఫీలింగ్ ఇచ్చింది. స్టన్నింగ్ క్యాచ్ అందుకున్న బ్రెవిస్ ఆ తర్వాత బంతిని గాల్లోకి విసరేసి సహచరులతో సంబురాలు చేసుకున్నాడు. గైక్వాడ్ ఔట్ కావడంతో 183 పరుగుల వద్ద టీమిండియా మూడో వికెట్ కోల్పోయింది.