IPL 2023, CSK Vs RR: ఇండియన్ ప్రీమియర్ లీగ్(IPL) 2023లో భాగంగా చెన్నైలోని చిదంబరం స్టేడియం(చేపాక్ స్టేడియం) వేదికగా చెన్నై సూపర్ కింగ్స్, రాజస్థాన్ రాయల్స్ జట్లు తలపడుతున్నాయి. టాస్ గెలిచిన చెన్నై ఫీల్డింగ్ ఎంచుకుంది. తొలుత బ్యాటింగ్ చేసిన రాజస్తాన్ రాయల్స్ జట్టు 20 ఓవర్లలో 8 వికెట్లు కోల్పోయి 175 పరుగులు సాధించింది. దీంతో ధోని సేన విజయం సాధించడానికి 176 పరుగులు చేయాల్సి ఉంది.
ఐపీఎల్ చరిత్రలో ఇప్పటి వరకు ఇరు జట్లు 26 మ్యాచుల్లో ముఖాముఖిగా పోటీపడ్డాయి. చెన్నై 15 సార్లు గెలుపొందగా, రాజస్థాన్ 11 మ్యాచుల్లో విజయం సాధించింది. బ్యాటింగ్కు అనుకూలంగా ఉన్న పిచ్లో ధోనీ సేనకు ఛేజింగ్ కష్టమేమీ కాకపోవచ్చు. చెన్నై తరఫున కెప్టెన్గా ఎమ్మెస్ ధోనీకి ఇది 200వ మ్యాచ్ కావడం మరో విశేషం.
ఇక రాజస్థాన్ రాయల్స్ బ్యాటర్లలో జోస్ బట్లర్ 52 పరుగులు (36 బంతుల్లో, 1 ఫోర్, 3 సిక్స్లు) అత్యధిక పరుగులు చేశాడు. దేవ్దత్ పడిక్కల్ (38 పరుగులు, 26 బంతుల్లో, 5 ఫోర్లు) కూడా బ్యాట్ ఝుళింపించాడు. రవిచంద్రన్ అశ్విన్ 30 పరుగులు (22 బంతుల్లో, 1 ఫోర్, 2 సిక్స్లు) చేశాడు. చివర్లో హేట్మేయర్ (30 పరుగులు, 18 బంతుల్లో, 2 ఫోర్లు, 2 సిక్స్లు) దూకుడుగా ఆడటంతో రాజస్థాన్ రాయల్స్ జట్టుకు గౌరవప్రదమైన స్కోరు దక్కింది.
చెన్నై బౌలర్లలో రవీంద్రా జడేజా 2, ఆకాష్ సింగ్ 2, తుషార్ దేశ్పాండ్ 2 వికెట్లు తీశారు. స్పిన్నర్ మొయిన్ అలీ 1 వికెట్ పడగొట్టారు. ఈ మ్యచ్ లో ధోని సేన ఫీల్డింగ్లో అదరగొట్టింది.