ఇదే చివరి సీజన్‌.. రిటైర్మెంట్‌పై రొనాల్డో హింట్‌

సాకర్‌ దిగ్గజం క్రిస్టియానో రొనాల్డో ఫుట్‌బాల్‌ కెరీర్‌కు వీడ్కోలు చెప్పబోతున్నాడు. ప్రస్తుతం అల్‌-నసర్‌ క్లబ్‌కు ఆడుతున్న రొనాల్డో ఒప్పందం.. వచ్చే ఏడాది జూన్‌తో ముగియనున్న నేపథ్యంలో ఆ సీజన్‌తో రిటైర్మెంట్‌ ప్రకటిస్తానని చెప్పకనే చెప్పాడు.

రియాద్‌: సాకర్‌ దిగ్గజం క్రిస్టియానో రొనాల్డో ఫుట్‌బాల్‌ కెరీర్‌కు వీడ్కోలు చెప్పబోతున్నాడు. ప్రస్తుతం అల్‌-నసర్‌ క్లబ్‌కు ఆడుతున్న రొనాల్డో ఒప్పందం.. వచ్చే ఏడాది జూన్‌తో ముగియనున్న నేపథ్యంలో ఆ సీజన్‌తో రిటైర్మెంట్‌ ప్రకటిస్తానని చెప్పకనే చెప్పాడు. ‘ఫుట్‌బాల్‌లో బహుశా ఇదే నా చివరి ఏడాది.

భవిష్యత్‌ ప్రణాళికలపై నాకు ఒక అవగాహన ఉంది. ఏదో ఒక్కదాంట్లోనే కాకుండా నన్ను నేను బిజీగా ఉంచుకునేందుకు చాలా విషయాలున్నాయి. రెండున్నర దశాబ్దాల త్యాగాల (ఫుట్‌బాల్‌ కెరీర్‌లో) తర్వాత దొరికే ఆ సమయాన్ని నాకు నచ్చినవిధంగా జీవిస్తా’ అని తెలిపాడు.