Visit:
లిస్బన్ : ప్రపంచ ఫుట్బాల్ దిగ్గజం, పోర్చుగల్ స్టార్ ప్లేయర్ క్రిస్టియానో రొనాల్డో ఎట్టకేలకు తన సుదీర్ఘకాల భాగస్వామి జార్జినా రోడ్రిగ్స్ను వివాహం చేసుకున్నాడు. దాదాపు పదేండ్లుగా కలిసి ఉంటున్న ఈ జంట పోర్చుగల్ రాజధాని లిస్బన్ సమీప పట్టణం కాస్కాయ్స్లో తమ ఐదుగురు పిల్లలు, అత్యంత సన్నిహితులు సమక్షంలో ప్రైవేట్ సివిల్ రిజిస్టర్ వివాహం చేసుకుంది. ఈ విషయాన్ని రొనాల్డో పబ్లిక్ రిలేషన్స్ బృందం బ్రన్స్విక్ గ్రూప్ అధికారికంగా ధ్రువీకరించింది. అనంతరం 41 ఏండ్ల రొనాల్డో, జార్జియా తమ ఇన్స్టాగ్రామ్ ఖాతాల్లో పెండ్లి ఉంగరాలను ధరించిన ఫోటోను పంచుకుంటూ ఈ విషయాన్ని అభిమానులకు వెల్లడించారు.
స్పానిష్ మోడల్, వ్యాపారవేత్త అయిన 32 ఏండ్ల జార్జినాను 2016లో మ్యాడ్రిడ్లోని ఓ లగ్జరీ స్టోర్లో కలిసిన రొనాల్డో ఆమెతో ప్రేమలో పడ్డాడు. అక్కడ నుంచి ఇద్దరూ సహజీవనం చేస్తున్నారు. వీళ్లకు ఇద్దరు పిల్లలు అలనా మార్టినా, బెల్లా ఎస్మరాల్డా ఉన్నారు. గతేడాది ఆగస్టు 11న నిశ్చితార్థం చేసుకున్న ఈ జంట సరిగ్గా ఏడాది తర్వాత అదే తేదీన వివాహ బంధంతో ఒక్కటైంది. జార్జినాతో సహజీవనానికి ముందే రొనాల్డోకు కొడుకు క్రిస్టియానో జూనియర్, సరోగసి ద్వారా పుట్టిన కవలలు ఇవా-మాటియో ఉన్నారు.
