ప్రాణాలు కాపాడినందుకు థ్యాంక్స్‌.. ప‌క్ష‌వాతానికి గురైన క్రికెట‌ర్ వీడియో మెసేజ్‌

సిడ్నీ: ఒక‌ప్పుడు క్రికెట్‌లోని గ్రేటెస్ట్ ఆల్‌రౌండ‌ర్స్‌లో ఒక‌డిగా గుర్తింపు పొందాడు. కానీ ఇప్పుడు ప‌క్ష‌వాతంతో చ‌క్రాల కుర్చీకి ప‌రిమితమ‌య్యాడు. అయినా తన‌ ప్రాణాలు కాపాడినందుకు డాక్ట‌ర్లకు, త‌న కోసం ప్రార్థించిన అభిమానుల‌కు థ్యాంక్స్ చెబుతున్నాడు న్యూజిలాండ్ మాజీ ఆల్‌రౌండ‌ర్ క్రిస్ కెయిన్స్‌. అయితే రానున్న కాలంలో త‌న జీవితంలోనే అతి పెద్ద స‌వాలును ఎదుర్కోబోతున్న‌ట్లు అత‌డు చెప్పాడు. మేజ‌ర్ స‌ర్జ‌రీ త‌ర్వాత అత‌డు తొలిసారి ఓ వీడియో సందేశాన్ని సోమ‌వారం రిలీజ్ చేశాడు. గుండె నాళాల్లో చీలిక ఏర్ప‌డ‌టంతో సిడ్నీలోని డాక్ట‌ర్లు అత‌నికి స‌ర్జ‌రీ నిర్వ‌హించారు. అయితే ఈ స‌ర్జ‌రీ సంద‌ర్భంగా స్ట్రోక్ రావ‌డంతో కెయిన్స్ ప‌క్ష‌వాతానికి గుర‌య్యాడు. ప్ర‌స్తుతం అత‌నిది న‌డ‌వ‌లేని ప‌రిస్థితి.

దీంతో చ‌క్రాల కుర్చీలో కూర్చునే అత‌డు ఓ వీడియో సందేశాన్ని రిలీజ్ చేశాడు. త‌న ప్రాణాలు కాపాడిన వైద్య సిబ్బందికి థ్యాంక్స్ చెబుతూనే.. త‌న జీవితంలో అతిపెద్ద స‌వాలును ఎదుర్కోబోతున్న‌ట్లు కెయిన్స్ చెప్పాడు. ఈ నెల‌న్న‌ర కాలంలో త‌న‌కు ప‌లు స‌ర్జ‌రీలు జ‌రిగాయ‌ని, వైద్యులు త‌న గుండెను కాపాడార‌ని అత‌న‌న్నాడు. అయితే ఈ ప్ర‌క్రియలోనే స్ట్రోక్ వ‌చ్చింద‌ని, రీహ్యాబిలిటేష‌న్ కోసం వెళ్తున్న తాను అతి పెద్ద స‌వాలును ఎదుర్కోబోతున్న‌ట్లు చెప్పాడు. న్యూజిలాండ్ త‌ర‌ఫున 1989 నుంచి 2004 మ‌ధ్య ఆడిన కెయిన్స్ 62 టెస్టుల్లో ప్రాతినిధ్యం వ‌హించాడు.

It’s been a big 6 wks. On 4th August I suffered a Type A aortic dissection, a rare but serious condition. I required emergency surgery and from there a range of complications ensued and I ended up suffering a spinal stroke. A long road ahead, but I’m grateful to be here. ❤️ pic.twitter.com/ylRoz2HmPF

— Chris Cairns (@chriscairns168) September 19, 2021