చోళ చీఫ్స్‌ గెలుపు బాట

ఆర్చరీ ప్రీమియర్‌ లీగ్‌ (ఏపీఎల్‌) రెండో సీజన్‌లో వరుసగా ఐదు పరాజయాలతో చివరి స్థానానికి పడిపోయిన చోళ చీఫ్స్‌ ఎట్టకేలకు పుంజుకుంది.

హైదరాబాద్‌, ఆట ప్రతినిధి: ఆర్చరీ ప్రీమియర్‌ లీగ్‌ (ఏపీఎల్‌) రెండో సీజన్‌లో వరుసగా ఐదు పరాజయాలతో చివరి స్థానానికి పడిపోయిన చోళ చీఫ్స్‌ ఎట్టకేలకు పుంజుకుంది. గురువారం రాత్రి జరిగిన ఉత్కంఠ పోరులో హిట్‌ ఆర్‌ మిస్‌ షూటాఫ్‌లో 2-0తో పృథ్వీరాజ్‌ యోధాస్‌పై అద్భుత విజయం సాధించింది.

నిర్ణీత నాలుగు సెట్ల ముగిసేసరికి మ్యాచ్‌ 4-4తో టై కాగా.. నిర్వహించిన షూటాఫ్‌లో అలెక్సాండ్రా ఉస్కియానో (కొలంబియా), యుక్త శ్రీ (భారత్‌) పర్ఫెక్ట్‌ ఎక్స్‌ రింగ్‌లోకి బాణాలు విసిరి హిట్‌ కొట్టడంతో చోళ చీఫ్స్‌ కీలక విజయం అందుకొని ప్లేఆఫ్స్‌ రేసులో నిలిచింది. ఇతర మ్యాచ్‌ల్లో రాజ్‌పుతానా రాయల్స్‌ 6-2తో మైటీ మరాఠాస్‌ను, చేరో ఆర్చర్స్‌ 6-0తో కాకతీయ నైట్స్‌ను ఓడించాయి.