Team India: వరల్డ్ కప్ ముగిసింది.. టీమిండియా నెక్స్ట్ షెడ్యూల్ ఏంటి..?

Team India:  టీమిండియా  తర్వాతి షెడ్యూల్ ఎలా ఉంది..?  మరో నాలుగు నెలల్లో  ఇండియన్‌ ప్రీమియర్‌ లీగ్‌ (ఐపీఎల్‌)  తర్వాతి సీజన్‌ మొదలుకానున్న నేపథ్యంలో ఆ లోపు  టీమిండియా షెడ్యూల్‌  ఎలా ఉండనుందో ఇక్కడ చూద్దాం.

Team India:  స్వదేశంలో  ముగిసిన వన్డే ప్రపంచకప్‌లో  కప్పు సాధించాలనే పట్టుదలతో బరిలోకి దిగి తుది మెట్టు మీద బొక్కబోర్లా పడ్డ టీమిండియా.. ఈ మెగా టోర్నీ తర్వాత  ఏం చేయనుంది..?  టీమిండియా  తర్వాతి షెడ్యూల్ ఎలా ఉంది..?  మరో నాలుగు నెలల్లో  ఇండియన్‌ ప్రీమియర్‌ లీగ్‌ (ఐపీఎల్‌)  తర్వాతి సీజన్‌ మొదలుకానున్న నేపథ్యంలో ఆ లోపు  టీమిండియా షెడ్యూల్‌  ఎలా ఉండనుందో ఇక్కడ చూద్దాం.

వరల్డ్‌ కప్‌ ఓటమిలో ఉన్న  భారత అభిమానులకు మరో మూడు రోజులలోనే క్రికెట్‌  మజా దక్కనుంది. ఈనెల  23 నుంచి డిసెంబర్‌  03 వరకూ ఇండియా-ఆసీస్‌ మధ్య ఐదు మ్యాచ్‌ల టీ20 సిరీస్‌  జరుగనుంది. ఆ తర్వాత  భారత్‌.. డిసెంబర్‌లో  దక్షిణాఫ్రికా పర్యటనకు వెళ్లనుంది.  సుమారు నెల రోజుల పాటు జరుగబోయే    ఈ  టూర్‌లో భారత్‌..  మూడు టీ20లు, మూడు వన్డేలు,  రెండు టెస్టులు ఆడనుంది. అనంతరం  అఫ్గానిస్తాన్‌.. భారత పర్యటనలో  మూడు టీ20లు ఆడాల్సి ఉంది. జనవరి – మార్చి దాకా భారత్‌ – ఇంగ్లండ్‌ మధ్య ఐదు టెస్టుల సిరీస్‌ జరగాల్సి ఉంది.  ఈ సిరీస్‌ ముగిసిన తర్వాత  మార్చి మాసాంతం నుంచి  ఐపీఎల్‌ మొదలవుతుంది.   ఐపీఎల్‌ ముగిసిన వెంటనే  జూన్‌లో  వెస్టిండీస్, అమెరికా వేదికగా  టీ20 వరల్డ్‌ కప్‌ జరుగనుంది.

ఇండియా షెడ్యూల్

• నవంబర్‌ 23 నుంచి డిసెంబర్‌ 08 వరకూ ఆస్ట్రేలియాతో ఐదు మ్యాచ్‌ల టీ20 సిరీస్‌
• డిసెంబర్‌ 10 నుంచి 2024 జనవరి 07 దాకా  భారత్‌.. సౌతాఫ్రికా టూర్‌కు వెళ్లనుంది.
• జనవరి 11 నుంచి  17 వరకూ  అఫ్గానిస్తాన్‌తో మూడు మ్యాచ్‌ల సిరీస్‌
• జనవరి 25 నుంచి మార్చి 11 దాకా ఇండియా – ఇంగ్లండ్‌ మధ్య ఐదు మ్యాచ్‌ల టెస్టు సిరీస్‌
• మార్చి – ఏప్రిల్‌ – మే లలో ఇండియన్‌ ప్రీమియర్‌ లీగ్‌
• 2024 జూన్‌లో టీ20 వరల్డ్‌ కప్‌