నాకౌట్‌కు చిట్టి దేశం.. 

మెగా టోర్నీలో సంచలన ప్రదర్శన చేస్తున్న చిన్న జట్టు కాబోవెర్డె నాకౌట్‌ చేరుకొని చర్రిత సృష్టించింది. వరల్డ్‌ కప్‌లో నాకౌట్‌ రౌండ్‌కు అర్హత సాధించిన అతి చిన్న దేశంగా రికార్డుకెక్కింది.

మెగా టోర్నీలో సంచలన ప్రదర్శన చేస్తున్న చిన్న జట్టు కాబోవెర్డె నాకౌట్‌ చేరుకొని చర్రిత సృష్టించింది. వరల్డ్‌ కప్‌లో నాకౌట్‌ రౌండ్‌కు అర్హత సాధించిన అతి చిన్న దేశంగా రికార్డుకెక్కింది. తొలి రెండు మ్యాచ్‌ల్లో స్పెయిన్‌, ఉరుగ్వేను నిలువరించిన కాబో.. గ్రూప్‌-హెచ్‌లో తమ ఆఖరి పోరులో 0-0తో సౌదీ అరేబియాతో డ్రా చేసుకుంది. దాంతో మూడు పాయింట్లతో రెండో స్థానంలో నిలిచి రౌండ్‌-32లో అడుగు పెట్టింది. 40 ఏండ్ల వెటరన్‌ గోల్‌ కీపర్‌ వోజిన్హా ఈ మ్యాచ్‌లోనూ ప్రత్యర్థికి అడ్డు గోడలా నిలిచి కాబో విజయంలో కీలక పాత్ర పోషించాడు. మూడు కీలక సేవ్స్‌ చేసి సౌదీని దెబ్బకొట్టాడు. ఏడు ప్రయత్నాల తర్వాత వరల్డ్‌ కప్‌నకు క్వాలిఫై అయిన ఆ జట్టు అరంగేట్రంలోనే గ్రూప్‌ దశను విజయవంతంగా దాటింది. గ్రూప్‌లో ఒక్క గెలుపు లేకున్నా ముందంజ వేసిన కాబో.. జూలై 4న జరిగే రౌండ్‌32 పోరులో డిఫెండింగ్‌ చాంప్‌ అర్జెంటీనా తలపడనుంది. మరో మ్యాచ్‌లో స్పెయిన్‌ 1-0తో ఉరుగ్వేను ఓడించి గ్రూప్‌-హెచ్‌ టాపర్‌గా ముందంజ వేసింది.