Vaibhav Sooryavanshi: నెట్స్‌లో వైభ‌వ్ సూర్యవంశీ భారీ షాట్లు.. వీడియో రిలీజ్ చేసిన బీసీసీఐ

Vaibhav Sooryavanshi: నెట్స్‌లోనూ త‌గ్గేదిలేద‌న్నాడు వైభ‌వ్‌. నెట్ ప్రాక్టీస్ స‌మ‌యంలో భారీ షాట్లు కొట్టాడు సూర్య‌వంశీ. ఆ వీడియోను బీసీసీఐ రిలీజ్ చేసింది. ఇక ఇవాళ ఐర్లాండ్‌తో తొలి టీ20 మ్యాచ్ జ‌ర‌గ‌నున్న‌ది. మ‌రి తుది జ‌ట్టులో వైభ‌వ్ ఉంటాడో లేదో ఇంకా తెలియ‌దు. తొలిసారి టీమిండియా క్రికెట‌ర్ల‌తో వైభ‌వ్ నెట్ ప్రాక్టీస్ చేశాడు.

బెల్‌ఫాస్ట్‌: ఐర్లాండ్‌తో ఇవాళ టీమిండియా తొలి టీ20 మ్యాచ్ ఆడ‌నున్న‌ది. బెల్‌ఫాస్ట్ వేదిక‌గా ఆ మ్యాచ్ జ‌ర‌గ‌నున్న‌ది. అయితే 15 ఏళ్ల సూర్యవంశీ(Vaibhav Sooryavanshi) ఆ మ్యాచ్ కోసం తీవ్రంగా శ్ర‌మించాడు. వాస్త‌వానికి తుది జ‌ట్టులో అత‌నికి చోటు ద‌క్కుతుందో లేదో తెలియ‌దు. కానీ టీమిండియా ప్లేయ‌ర్ల‌తో క‌లిసి తొలిసారి నెట్స్‌లో జోరుగా ప్రాక్టీస్ చేశాడు వైభ‌వ్‌. ఇటీవ‌ల ముగిసిన ఐపీఎల్‌లో మేటి బౌల‌ర్ల‌ను ఉతికారేసిన సూర్య‌వంశీ.. ఆ ఊపులోనే నెట్స్‌లో కూడా భారీ షాట్లు కొట్టాడు. సూర్య‌వంశీ ప్రాక్టీస్‌కు చెందిన ఓ వీడియోను ఇవాళ బీసీసీఐ త‌న ఎక్స్ అకౌంట్‌లో పోస్టు చేసింది. టీనేజ్ ఓపెన‌ర్ వైభ‌వ్‌.. భారీ షాట్ల‌తో నెట్స్ బౌల‌ర్ల‌ను వ‌ణికించాడు. ఎటువంటి భ‌యం లేకుండానే .. టీమిండియా బౌల‌ర్ల‌ను ఆడుకున్నాడు. ర‌క‌ర‌కాల షాట్ల‌తో ఐర్లాండ్‌తో మ్యాచ్ కోసం వైభ‌వ్ ప్రిపేర‌య్యాడు. ఆ వీడియోను మీరూ వీక్షించాడు.

Start of something special 🌟

🎥 Glimpses of Vaibhav Sooryavanshi’s first time in the #TeamIndia nets 🤩#IREvIND pic.twitter.com/zp3mPMch5R

— BCCI (@BCCI) June 26, 2026