న్యూఢిల్లీ: క్రికెటర్ విరాట్ కోహ్లీ(Virat Kohli).. బాలీవుడ్ నటి అనుష్కా శర్మ(Anushka Sharma).. ఫ్యాషన్ లుక్లో కవ్విస్తున్నారు. ఆ స్టార్ జోడి ముంబైలో జరిగిన డయిర్ ఆటమ్(Dior Autumn) 2023 ఫ్యాషన్ ఈవెంట్లో పాల్గొన్నది. గేట్వే ఆఫ్ ఇండియా వద్ద జరిగిన షోలో విరుష్కా జంట కొత్త స్టయిల్లో దర్శనమిచ్చింది. డయిర్ కంపెనీ తన కలెక్షన్ను ప్రమోట్ చేసేందుకు ఈవెంట్ను ఆర్గనైజ్ చేసింది. ఆ షోలో బాలీవుడ్ స్టార్స్ సోనమ్ కపూర్, అనన్యా పాండే, సైమోన్ ఆష్లే, ఇషా అంబానీ, రాధికా మర్చంట్ కూడా పాల్గొన్నారు.
Virat Kohli and Anushka Sharma at the Dior eventpic.twitter.com/DbXCne1F4i
— Mufaddal Vohra (@mufaddel_vohra) March 30, 2023
డైనమిక్ జోడి కోహ్లీ, అనుష్కాలు తమ డ్రెస్సులతో ఫోజులిచ్చారు. ఒలివ్ గ్రీన్ బ్లేజర్(Olive Green Blazer) వేసుకున్న విరాట్ కోహ్లీ.. వైట్ టీషర్ట్, స్నీకర్స్తో అట్రాక్ట్ చేశాడు. ఇక అనుష్కా శర్మ ఎల్లో గౌన్లో మెరిసిపోయింది. ప్లాట్ఫామ్ హీల్స్ వేసిన అనుష్కా.. కోహ్లీతో కలిసి రకరకాల స్టిల్స్ ఇచ్చింది. ఇక అనుష్కా తన ఇన్స్టాలో కొన్ని పిక్స్ పోస్టు చేసింది. ఎర్త్ ఎమోజీ పోస్టు చేసిన అనుష్కాకు.. విరాట్ హార్ట్ ఎమోజీలతో రియాక్ట్ అయ్యారు.
విరాట్, అనుష్కాలు డిసెంబర్ 2017లో పెళ్లి చేసుకున్న విషయం తెలిసిందే. 2021 జనవరిలో ఆ జంటకు అమ్మాయి పుట్టింది.