Hanuma Vihari : ఆంధ్రా కెప్టెన్ హనుమా విహరి మణికట్టు గాయం వేధిస్తున్నా కూడా రంజీ ట్రోఫీలో బ్యాటింగ్ చేశాడు. అయితే.. కుడి చేతివాటం బ్యాటర్ అయిన అతను లెఫ్ట్ హ్యాండర్గా బరిలోకి దిగాడు. మధ్యప్రదేశ్, ఆంధ్రా జట్ల మధ్య ఈరోజు క్వార్టర్ ఫైనల్లో పోరు మొదలైంది. ఆంధ్రా జట్టు మొదట బ్యాటింగ్కు దిగింది. విహరి 16 పరుగుల వద్ద ఉన్నప్పుడు అవేశ్ ఖాన్ ఓవర్లో బంతి అతని ఎడమచేతి మణికట్టుకు బంతి బలంగా తాకింది. నొప్పితో విలవిలలాడుతూ విహరి రిటౌర్డ్ హర్ట్గా మైదానం వీడాడు. అయితే.. జట్టు 353 పరుగులకు 9 వికెట్లు కోల్పోయిన దశలో చివరి వికెట్గా మళ్లీ క్రీజులోకి వచ్చాడు. అయితే మళ్లీ మణికట్టుకు గాయం కాకుండా ఉండేందుకు లెఫ్ట్ హ్యాండ్తో బ్యాటింగ్ చేశాడు. దాంతో, అతని మనోధైర్యాన్ని కామెంటేటర్లు, అభిమానులు అభినందించారు.
అయ్యర్ రాకతో…
గత ఏడాది వరకు విహరి భారత టెస్టు జట్టులో కీలకమైన ఆటగాడు. మిడిల్ ఆర్డర్లో పూజారాతో కలిసి అడ్డు గోడలా నిలిచేవాడు. ఆస్ట్రేలియా సిరీస్లో అదరగొట్టాడు కూడా. కానీ, శ్రేయాస్ అయ్యర్ రాకతో విహరికి జట్టులో పోటీ మొదలైంది. ఈ నెలలో స్వదేశంలో జరగనున్న ఆస్ట్రేలియా సిరీస్కు అతడిని ఎంపిక చేయలేదు. బోర్డర్ – గవాస్కర్ ట్రోఫీ తొలి రెండు మ్యాచ్లకు 17మందితో కూడిన జట్టును బీసీసీఐ ఇప్పటికే ప్రకటించింది. ఈ సిరీస్లో ఇషాన్ కిషన్, సూర్యకుమార్ యాదవ్ టెస్టు ఆరంగ్రేటం చేయనున్నారు.
— cricket fan (@cricketfanvideo) February 1, 2023