GG vs UPW : యూపీ వారియర్స్(UP Warriorz) స్వల్ప వ్యవధిలో రెండు కీలక వికెట్లు కోల్పోయింది. హిట్టర్ కిరణ్ నవగిరే (4) రెండో వికెట్గా వెనుదిరిగింది. కిమ్ గార్త్ (Kim Garth) ఓవర్లో షార్ట్ పిచ్ బంతికి మిడాన్లో క్యాచ్ ఇచ్చి ఔటయ్యింది. అంతకుముందు ఓవర్లో ఫామ్లో ఉన్న ఓపెనర్ అలిసా హీలీ (12) ఔటయ్యింది. పేసర్ మోనికా పటేలో వేసిన రెండో ఓవర్లో ఐదో బంతికి భారీ షాట్ ఆడింది. బౌండరీ దగ్గర హర్లీన్ డియోల్ క్యాచ్ పట్టడంతో అలిసా వెనుదిరిగింది. ప్రస్తుతం దేవికా వైద్య (3), తహ్లియా మెక్గ్రాత్ (0) క్రీజులో ఉన్నారు. మూడు ఓవర్లకు యూపీ స్కోర్.. 19/2.
మొదట బ్యాటింగ్ చేసిన గుజరాత్ జెయింట్స్ 178 పరుగులు కొట్టింది. అష్ గార్డ్నర్(60), దయలాన్ హేమలత (57) అర్ధ శతకాలతో చెలరేగారు. 50 పరుగులకే మూడు వికెట్లు కోల్పోయి కష్టాల్లో పడ్డ గుజరాత్ను వీళ్లిద్దరూ ఆదుకున్నారు. యూపీ బౌలర్లపై విరుచుకు పడుతూ ఎడాపెడా బౌండరీలు బాదారు. దాంతో, ఆ జట్టు భారీ స్కోర్ చేయగలిగింది.యూపీ బౌలర్లలో పర్షవీ చోప్రా, రాజేశ్వరీ గైక్వాడ్ రెండేసి వికెట్లు తీశారు. సోఫీ ఎకిల్స్టోన్, అంజలీ సర్వానీకి ఒక్కో వికెట్ దక్కింది.