Visit:
Abhishek Sharma : మూడు టీ20ల సిరీస్లో దంచేస్తున్న అభిషేక్ శర్మ (Abhishek Sharma) తన ఉగ్రరూపాన్ని చూపించాడు. మూడో టీ20లో అఫ్గనిస్థాన్ బౌలర్లను ఊచకోత కోస్తూ మెరుపు అర్ధ శతకం సాధించాడీ హిట్టర్. కేవలం 16 బంతుల్లోనే యాభై రన్స్ కొట్టేశాడు అభిషేక్. సుడిగాలిలా విరుచుకుపడిన ఈ లెఫ్ట్ హ్యాండర్కు పొట్టి క్రికెట్లో ఇది పదమూడో హాఫ్ సెంచరీ.
ఢిల్లీలోని అరుణ్ జైట్లీ స్టేడియంలో అభిషేక్ శర్మ(93 నాటౌట్ : 28 బంతుల్లో 9 ఫోర్లు, 9 సిక్సర్లు) కేక పుట్టించాడు. నామమాత్రమైన మూడో టీ20లో అఫ్గనిస్థాన్ బౌలర్లపై పిడుగల్లే విరుచుకుపడిన ఈ చిచ్చరపిడుగు 16 బంతుల్లోనే అర్ధ శతకం సాధించాడు. పొట్టి క్రికెట్లో తన స్టయిల్ విధ్వంసంతో కాబూలీ బౌలింగ్ దళాన్ని చీల్చిచెండాడిన అభిషేక్.. ఈ ఫార్మాట్లో 13వ ఫిఫ్టీ నమోదు చేశాడు.
Rollicking 1⃣6⃣-ball FIFTY 🔥
Abhishek Sharma’s 1⃣3⃣th in T20Is 👏
50-run partnership also up for the openers 🤝
Updates ▶️ https://t.co/Zixki4RhPt#TeamIndia | #AFGvIND pic.twitter.com/qXQYnnCl3K
— BCCI (@BCCI) September 17, 2026
టీ20ల్లో భారత్ తరఫున ఐదో వేగవంతమన హాఫ్ సెంచరీ ఇది. ఇదే ఏడాది న్యూజిలాండ్పై గువాహటిలో.. 14 బంతుల్లోనే యాభైతో అభిషేక్ రికార్డు నెలకొల్పిన విషయం తెలిసిందే. మరో ఎండ్లో సంజూ శాంసన్(31 నాటౌట్) సైతం ధనాధన్ ఆటతో 9,000 పరుగుల క్లబ్లో చేరాడు. వీరిద్దరి బాదుడుకు ఆరు ఓవర్లకే టీమిండియా స్కోర్ వంద దాటింది. 8 ఓవర్లకు స్కోర్.. 124/0.
