FIFA World Cup | ఫిఫా వ‌ర‌ల్డ్ క‌ప్‌లో మ‌రో సంచ‌ల‌నం.. బెల్జియంను చిత్తు చేసిన మొరాకో

నాలుగు పాయింట్లతో నాకౌట్ అవ‌కాశాల‌ను మెరుగుప‌రుచుకున్న మొరాకో

FIFA World Cup : వ‌ర‌ల్డ్ క‌ప్‌లో మ‌రో సంచ‌ల‌నం న‌మోదైంది. మొరాకో జ‌ట్టు బెల్జియంను 2-0తో చిత్తుగా ఓడించింది. అల్ థుమ‌మ స్టేడియంలో ఆదివారం జ‌రిగిన గ్రూప్-ఎఫ్ మ్యాచ్‌లో 22వ ర్యాంక్‌లో ఉన్న మొరాకో, రెండో ర్యాంక్‌లో ఉన్న బెల్జియంను మ‌ట్టిక‌రిపించింది. మొరాకో మిడ్ ఫీల్డ‌ర్ అబ్దెల్‌హ‌మిద్ స‌బిరి 73వ నిమిషంలో ఫ్రీ కిక్ ద్వారా తొలి గోల్ అందించాడు. జ‌కారియ అబౌఖ్లాల్ రెండో గోల్ కొట్ట‌డంతో 2-0తో మొరాకో సంచ‌ల‌న విజ‌యం న‌మోదు చేసింది.

మ్యాచ్ ఆరంభం నుంచి మొరాకో ఆట‌గాళ్లు దూకుడుగా ఆడారు. అయితే.. చివ‌రి నిమిషాల్లో గోల్ సాధించేందుకు బెల్జియం ఆట‌గాళ్లు తీవ్రంగా ప్ర‌య‌త్నించారు. కానీ, ఆలోపే మ్యాచ్ చేజారిపోయింది. ఈ విజ‌యంతో మొరాకో నాలుగు పాయింట్లతో నాకౌట్ అవ‌కాశాల‌ను మెరుగుప‌రుచుకుంది. అంతేకాదు గ్రూప్‌-ఎఫ్‌లో టాప్ ప్లేస్‌ ద‌క్కించుకుంది. బెల్జియం మూడు పాయింట్ల‌తో రెండో స్థానంలో ఉంది. గ‌త ఏడాది వ‌ర‌ల్డ్ క‌ప్‌లో బెల్జియం సెమీస్ చేరింది.