WhatsApp : న‌వంబ‌ర్ 1 నుంచి ఈ ఫోన్ల‌లో వాట్స‌ప్ ప‌నిచేయ‌దు.. లిస్ట్‌లో మీ ఫోన్ ఉందో చెక్ చేసుకోండిలా

న‌వంబ‌ర్ 1 నుంచి ఈ ఫోన్ల‌లో వాట్స‌ప్ ప‌నిచేయ‌దు | ఈరోజుల్లో వాట్స‌ప్ వాడ‌ని వాళ్లు ఉండ‌రు. స్మార్ట్‌ఫోన్ ఉన్న ప్ర‌తి ఒక్క‌రికి వాట్స‌ప్ గురించి తెలుసు

October 30, 2021 / 04:31 PM IST

WhatsApp : న‌వంబ‌ర్ 1 నుంచి ఈ ఫోన్ల‌లో వాట్స‌ప్ ప‌నిచేయ‌దు.. లిస్ట్‌లో మీ ఫోన్ ఉందో చెక్ చేసుకోండిలా

ఈరోజుల్లో వాట్స‌ప్ వాడ‌ని వాళ్లు ఉండ‌రు. స్మార్ట్‌ఫోన్ ఉన్న ప్ర‌తి ఒక్క‌రికి వాట్స‌ప్ గురించి తెలుసు. దాన్ని ఎలా వాడాలో కూడా తెలుసు. అయితే.. వాట్స‌ప్ సంస్థ‌.. న‌వంబ‌ర్ 1 నుంచి కొన్ని ఆండ్రాయిడ్, ఐఫోన్ల‌లో వాట్స‌ప్ సేవ‌ల‌ను నిలిపివేయ‌నుంది. ఆ ఫోన్లో న‌వంబ‌ర్ 1 నుంచి వాట్స‌ప్‌కు సంబంధించిన ఎటువంటి ఫీచ‌ర్లు అప్‌డేట్ కావు. ఇప్ప‌టి వ‌ర‌కు ఉన్న వాట్స‌ప్ వ‌ర్ష‌న్ మాత్ర‌మే వ‌ర్క‌వుట్ అవుతుంది. అప్‌గ్రేడెడ్ వ‌ర్షన్లు అందులో అప్‌డేట్ కావు. దీని వ‌ల్ల పూర్తి స్థాయిలో ఆ ఫోన్ల‌లో వాట్స‌ప్ సేవ‌ల‌ను ఉప‌యోగించుకోలేరు. మ‌రి.. ఆ ఫోన్లు ఏవి.. వాటిలో మీ ఫోన్ ఉందో లేదో చెక్ చేసుకోండి.

చెక్ చేసుకోవ‌డం ఎలా?

దాని కోసం.. ముందు మీ ఫోన్‌లో సెట్టింగ్స్ ఆప్ష‌న్‌లోకి వెళ్లి About phone అనే ఆప్ష‌న్‌ను క్లిక్ చేయండి. కిందికి స్క్రోల్ చేస్తే మీ ఫోన్‌లో ర‌న్ అవుతున్న‌ ఆండ్రాయిడ్ వ‌ర్ష‌న్‌ను చూపిస్తుంది. ఒక‌వేళ మీ ఫోన్ ఆండ్రాయిడ్ వ‌ర్ష‌న్ 4.0.4 లేదా అంత‌కంటే త‌క్కువ వ‌ర్ష‌న్ ఉంటే.. నవంబ‌ర్ 1 నుంచి మీ ఫోన్‌లో వాట్స‌ప్ సేవ‌లు నిలిచిపోతాయి. ఆండ్రాయిడ్ వ‌ర్ష‌న్ 4.0.4 కంటే ఎక్కువ వ‌ర్ష‌న్ ఉన్న ఫోన్‌ను తీసుకోవాల్సిందే.

ఐఫోన్ యూజ‌ర్లు అయితే.. ఐవోఎస్ 10 లేదా అంత‌కంటే త‌క్కువ వ‌ర్ష‌న్ ఉన్న ఫోన్‌లో వాట్స‌ప్ ప‌నిచేయ‌దు. ఐఫోన్ 5 నుంచి త‌ర్వాత వ‌చ్చిన మోడ‌ల్స్‌లో మాత్ర‌మే వాట్స‌ప్ ప‌నిచేయ‌నుంది. అలాగే.. జియో ఫోన్‌, జియో ఫోన్ 2 లాంటి ఫీచ‌ర్ ఫోన్ల‌లో ఉండే కైఓఎస్ 2.5.0 వ‌ర్ష‌న్ లేదా అంత‌కంటే ఎక్కువ వ‌ర్ష‌న్‌లోనే వాట్స‌ప్ ప‌నిచేస్తుంది.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి