Samsung Galaxy M17 5G | కేవ‌లం రూ.12వేల‌కే శాంసంగ్ కొత్త 5జి స్మార్ట్ ఫోన్‌.. ఫీచర్లు ఎలా ఉన్నాయంటే..?

ప్ర‌స్తుతం చాలా వ‌ర‌కు స్మార్ట్ ఫోన్ త‌యారీ కంపెనీలు ఫోన్ల‌కు గాను చాలా ఏళ్ల వ‌ర‌కు ఆప‌రేటింగ్ సిస్ట‌మ్ అప్ డేట్స్, సెక్యూరిటీ అప్‌డేట్స్‌ను అందిస్తున్నాయి. గ‌తంలో కేవ‌లం 1 లేదా 2 ఏళ్ల వ‌ర‌కు మాత్ర‌మే అప్‌డేట్స్ అందించేవారు.

Samsung Galaxy M17 5G | ప్ర‌స్తుతం చాలా వ‌ర‌కు స్మార్ట్ ఫోన్ త‌యారీ కంపెనీలు ఫోన్ల‌కు గాను చాలా ఏళ్ల వ‌ర‌కు ఆప‌రేటింగ్ సిస్ట‌మ్ అప్ డేట్స్, సెక్యూరిటీ అప్‌డేట్స్‌ను అందిస్తున్నాయి. గ‌తంలో కేవ‌లం 1 లేదా 2 ఏళ్ల వ‌ర‌కు మాత్ర‌మే అప్‌డేట్స్ అందించేవారు. కానీ ఇప్పుడు ఒక్కో ఫోన్‌కు ఏకంగా 4 నుంచి 6 ఏళ్ల వ‌ర‌కు అన్ని ర‌కాల అప్‌డేట్స్‌ను అందిస్తున్నారు. దీంతో అలాంటి ఫోన్స్‌ను కొనుగోలు చేసేందుకు వినియోగదారులు ఎక్కువ ఆస‌క్తిని చూపిస్తున్నారు. అందులో భాగంగానే కంపెనీలు కూడా తాము రూపొందిస్తున్న ఫోన్ల‌కు ఎక్కువ సంవ‌త్స‌రాల పాటు అప్‌డేట్స్‌ను అందించేందుకు ప్లాన్ చేస్తున్నారు. ఇక ఇదే కోవ‌లో శాంసంగ్ కూడా ఎక్కువ ఏళ్ల పాటు అప్‌డేట్స్‌ను యూజ‌ర్లు పొందే విధంగా ఓ నూత‌న స్మార్ట్ ఫోన్‌ను లాంచ్ చేసింది. గెలాక్సీ ఎం17 5జి పేరిట ఈ ఫోన్‌ను భార‌త మార్కెట్‌లో లాంచ్ చేశారు. దీని ధ‌ర త‌క్కువ‌గా ఉండ‌డ‌మే కాదు, ఎక్కువ ఏళ్ల పాటు అప్ డేట్స్‌ను పొంద‌వ‌చ్చు.

6 ఏళ్ల వ‌ర‌కు అప్‌డేట్స్..

గెలాక్సీ ఎం17 5జి స్మార్ట్ ఫోన్‌లో 6.7 ఇంచుల సూప‌ర్ అమోలెడ్ డిస్‌ప్లేను ఏర్పాటు చేశారు. దీనికి ఫుల్ హెచ్‌డీ ప్ల‌స్ రిజ‌ల్యూష‌న్‌ను, 90 హెడ్జ్ రిఫ్రెష్ రేట్‌ను అందిస్తున్నారు. అందువ‌ల్ల డిస్‌ప్లే చాలా క్వాలిటీగా ఉంటుంద‌ని చెప్ప‌వ‌చ్చు. అద్భుత‌మైన దృశ్యాల‌ను వీక్షించ‌వ‌చ్చు. ఈ ఫోన్‌లో ఎగ్జినోస్ 1330 ఆక్టాకోర్ ప్రాసెస‌ర్‌ను ఏర్పాటు చేశారు. వెనుక వైపు మూడు కెమెరాల‌ను ఏర్పాటు చేశారు. 50 మెగాపిక్స‌ల్ మెయిన్ కెమెరాతోపాటు 5 మెగాపిక్స‌ల్ అల్ట్రా వైడ్ కెమెరా, 2 మెగాపిక్స‌ల్ మాక్రో కెమెరాల‌ను ఇచ్చారు. ముందు వైపు 13 మెగాపిక్స‌ల్ కెమెరా ఉంది. ఈ ఫోన్‌లో ఆండ్రాయిడ్ 15 ఆప‌రేటింగ్ సిస్ట‌మ్ ల‌భిస్తుంది. గూగుల్ జెమిని లైవ్ ఫీచ‌ర్ల‌ను పొంద‌వ‌చ్చు. అలాగే 6 ఏళ్ల వ‌రకు ఆప‌రేటింగ్ సిస్ట‌మ్ అప్‌డేట్స్‌ను, సెక్యూరిటీ అప్‌డేట్స్‌ను అందిస్తామ‌ని కంపెనీ చెబుతోంది. ఈ ఫోన్‌కు ఇదే ప్ర‌ధాన ఆక‌ర్ష‌ణ‌గా చెప్ప‌వ‌చ్చు. ఇక ఈ ఫోన్ డిస్‌ప్లేకు గొరిల్లా గ్లాస్ విక్ట‌స్ ప్రొటెక్ష‌న్‌ను అందిస్తున్నారు. అందువ‌ల్ల డిస్‌ప్లే చాలా దృఢంగా ఉంటుంది.

భారీ బ్యాట‌రీ..

ఈ ఫోన్‌లో 5000 ఎంఏహెచ్ భారీ కెపాసిటీ ఉన్న బ్యాట‌రీని ఏర్పాటు చేశారు. దీనికి 25 వాట్ల ఫాస్ట్ చార్జింగ్ స‌పోర్ట్ ల‌భిస్తుంది. 4జీబీ, 6జీబీ, 8జీబీ ర్యామ్‌, 128జీబీ స్టోరేజ్ ఆప్ష‌న్ల‌లో ఈ ఫోన్‌ను లాంచ్ చేశారు. మెమొరీని మైక్రో ఎస్‌డీ కార్డు ద్వారా 2టీబీ వ‌ర‌కు పెంచుకునే స‌దుపాయం క‌ల్పించారు. హైబ్రిడ్ డ్యుయ‌ల్ సిమ్ స్లాట్‌ను ఇచ్చారు. ఫింగ‌ర్ ప్రింట్ సెన్సార్ ప‌క్క భాగంలో ఉంది. యూఎస్‌బీ టైప్ సి ఆడియోకు సైతం ఇందులో స‌పోర్ట్ ల‌భిస్తుంది. ఐపీ 54 డ‌స్ట్ అండ్ వాట‌ర్ రెసిస్టెంట్ ఫీచ‌ర్ కూడా ఉంది. 5జి సేవ‌ల‌ను ఉప‌యోగించుకోవ‌చ్చు. డ్యుయ‌ల్ 4జి వీవోఎల్‌టీఈ స‌దుపాయం ఉంది. డ్యుయ‌ల్ బ్యాండ్ వైఫై, బ్లూటూత్ 5.3, యూఎస్‌బీ టైప్ సి, ఎన్ఎఫ్‌సీ వంటి అద‌న‌పు స‌దుపాయాల‌ను సైతం ఇందులో ఇచ్చారు.

ధ‌ర వివ‌రాలు..

శాంసంగ్ గెలాక్సీ ఎం17 5జి స్మార్ట్ ఫోన్‌ను మూన్‌లైట్ సిల్వ‌ర్‌, స‌ఫైర్ బ్లాక్ క‌ల‌ర్ ఆప్ష‌న్‌ల‌లో లాంచ్ చేశారు. ఈ ఫోన్‌కు చెందిన 4జీబీ ర్యామ్‌, 128జీబీ స్టోరేజ్ మోడ‌ల్ ధ‌ర రూ.12,499 ఉండ‌గా, 6జీబీ ర్యామ్‌, 128జీబీ స్టోరేజ్ మోడ‌ల్ ధ‌ర రూ.13,999గా ఉంది. అలాగే 8జీబీ ర్యామ్‌, 128జీబీ స్టోరేజ్ టాప్ మోడ‌ల్ ధ‌ర‌ను రూ.15,499గా నిర్ణ‌యించారు. ఈ ఫోన్‌ను అమెజాన్‌తోపాటు శాంసంగ్ ఆన్‌లైన్ స్టోర్‌, అన్ని రిటెయిల్ స్టోర్స్‌లో అక్టోబ‌ర్ 13 నుంచి విక్ర‌యించ‌నున్నారు. లాంచింగ్ సంద‌ర్భంగా ప‌లు ఆఫ‌ర్ల‌ను సైతం అందిస్తున్నారు. ఈ ఫోన్‌ను కొన్న‌వారికి రూ.500 క్యాష్ బ్యాక్ ల‌భిస్తుంది. 3 నెల‌ల వ‌ర‌కు నో కాస్ట్ ఈఎంఐ స‌దుపాయం కూడా అందుబాటులో ఉంది.