realme 15 5G | భారీ బ్యాటరీ, అదిరిపోయే ఏఐ ఫీచ‌ర్ల‌తో లాంచ్ అయిన రియ‌ల్‌మి కొత్త స్మార్ట్ ఫోన్లు.. ధ‌ర‌లు ఎలా ఉన్నాయంటే..?

మొబైల్స్ త‌యారీదారు రియ‌ల్‌మి రెండు నూత‌న స్మార్ట్ ఫోన్ల‌ను అదిరిపోయే ఫీచ‌ర్లు, భారీ బ్యాట‌రీతో లాంచ్ చేసింది. రియ‌ల్‌మి 15 5జి, రియల్‌మి 15 ప్రొ 5జి పేరిట ఈ ఫోన్ల‌ను ఆ సంస్థ భార‌త్‌లో లాంచ్ చేసింది.

realme 15 5G | మొబైల్స్ త‌యారీదారు రియ‌ల్‌మి రెండు నూత‌న స్మార్ట్ ఫోన్ల‌ను అదిరిపోయే ఫీచ‌ర్లు, భారీ బ్యాట‌రీతో లాంచ్ చేసింది. రియ‌ల్‌మి 15 5జి, రియల్‌మి 15 ప్రొ 5జి పేరిట ఈ ఫోన్ల‌ను ఆ సంస్థ భార‌త్‌లో లాంచ్ చేసింది. ఈ రెండు ఫోన్ల‌లోనూ 6.8 ఇంచుల అమోలెడ్ 4డి క‌ర్వ్‌డ్ బీవోఈ డిస్‌ప్లేను ఏర్పాటు చేశారు. దీనికి 1.5కె రిజ‌ల్యూష‌న్‌, 144 హెడ్జ్ రిఫ్రెష్ రేట్ ల‌భిస్తుంది. అందువ‌ల్ల డిస్‌ప్లే చాలా క్వాలిటీగా ఉంటుంది. నాణ్య‌మైన దృశ్యాల‌ను వీక్షించ‌వ‌చ్చు. ఈ ఫోన్ల‌కు 6500 నిట్స్ పీక్ బ్రైట్‌నెస్ ల‌భిస్తుంది. అందువ‌ల్ల సూర్య‌కాంతిలోనూ చాలా స్ప‌ష్టంగా ఫోన్ తెర‌ను వీక్షించ‌వ‌చ్చు.

2 ఏళ్ల వ‌ర‌కు అప్‌డేట్స్‌..

రియ‌ల్‌మి 15 5జి స్మార్ట్ ఫోన్‌లో మీడియాటెక్ డైమెన్సిటీ 7300ప్ల‌స్ ప్రాసెస‌ర్‌ను ఏర్పాటు చేయ‌గా రియ‌ల్‌మి 15 ప్రొ 5జి స్మార్ట్ ఫోన్‌లో స్నాప్‌డ్రాగ‌న్ 7 జెన్ 4 ప్రాసెస‌ర్‌ను ఏర్పాటు చేశారు. ఈ రెండు ఫోన్ల‌లోనూ ప్ర‌త్యేక కూలింగ్ సిస్ట‌మ్ ల‌భిస్తుంది. అందువల్ల ఫోన్ల‌ను ఎంత తీవ్రంగా ఉప‌యోగించిన‌ప్ప‌టికీ అంత త్వ‌ర‌గా హీట్‌కు గురికావు. ఈ రెండు ఫోన్ల‌లోనూ 12జీబీ ర్యామ్ ల‌భిస్తుండ‌గా, అద‌నంగా మ‌రో 14జీబీ వ‌ర‌కు ర్యామ్‌ను వ‌ర్చువ‌ల్‌గా పెంచుకునే వీలు క‌ల్పించారు. ఈ ఫోన్ల‌లో ఆండ్రాయిడ్ 15 ఆప‌రేటింగ్ సిస్ట‌మ్ ల‌భిస్తుంది. ఈ ఫోన్ల‌కు గాను 2 ఆండ్రాయిడ్ ఓఎస్ అప్‌డేట్స్‌ను, 3 ఏళ్ల వ‌ర‌కు సెక్యూరిటీ అప్‌డేట్స్‌ను అందిస్తామ‌ని కంపెనీ చెబుతోంది.

మ్యాజిక్ గ్లో ఫీచ‌ర్‌..

ఈ ఫోన్ల‌లో వెనుక వైపు 50 మెగాపిక్స‌ల్ మెయిన్ కెమెరా ఉండ‌గా ముందు వైపు సైతం 50 మెగాపిక్స‌ల్ కెమెరాను ఏర్పాటు చేశారు. రియ‌ల్‌మి 15 ఫోన్‌లో వెనుక వైపు 8 మెగాపిక్స‌ల్ అల్ట్రా వైడ్ కెమెరా కూడా ఉంది. ఇక ప్రొ మోడ‌ల్‌లో వెనుక వైపు 50 మెగాపిక్స‌ల్ అల్ట్రా వైడ్ కెమెరాను ఏర్పాటు చేశారు. ప్రొ మోడ‌ల్ ఫోన్ స‌హాయంతో 4కె వీడియోల‌ను 60ఎఫ్‌పీఎస్ రేట్‌తో చిత్రీక‌రించుకోవ‌చ్చు. హెచ్‌డీఆర్ వీడియో రికార్డింగ్‌కు స‌పోర్ట్ కూడా ల‌భిస్తుంది. ఈ ఫోన్ల‌లో మ్యాజిక్ గ్లో అనే ఫీచ‌ర్‌ను అందిస్తున్నారు. దీని సహాయంతో ఫొటోల‌ను మ‌రింత ఆక‌ర్ష‌ణీయంగా క‌నిపించేలా తీర్చిదిద్దుకోవ‌చ్చు. అలాగే ఏఐ ఆధారిత ఎడిట్ జీనీ అనే ఫీచ‌ర్ కూడా ఈ ఫోన్ల‌లో ల‌భిస్తోంది. దీనికి వాయిస్ క‌మాండ్ల‌ను ఇచ్చి ఫొటోల‌ను కేవ‌లం వాయిస్‌తోనే ఎడిట్ చేసుకోవ‌చ్చు. ఈ ఫోన్ల‌లో ల‌భిస్తున్న అద్భుత‌మైన ఫీచ‌ర్ ఇద‌ని చెప్ప‌వ‌చ్చు.

ధ‌ర వివ‌రాలు..

ఈ ఫోన్ల‌లో 7000 ఎంఏహెచ్ భారీ కెపాసిటీ ఉన్న బ్యాట‌రీని ఏర్పాటు చేశారు. దీనికి 80 వాట్ల ఫాస్ట్ చార్జింగ్‌కు స‌పోర్ట్ ల‌భిస్తుంది. అందువ‌ల్ల ఫోన్ల‌ను వేగంగా చార్జింగ్ చేసుకోవ‌చ్చు. ఈ ఫోన్ల‌కు గొరిల్లా గ్లాస్ ప్రొటెక్ష‌న్‌ను అందిస్తున్నారు. 8జీబీ, 12జీబీ ర్యామ్‌, 128జీబీ, 256జీబీ, 512జీబీ స్టోరేజ్ ఆప్ష‌న్ల‌లో ఈ ఫోన్ల‌ను లాంచ్ చేశారు. డ్యుయ‌ల్ సిమ్‌ల‌ను వేసుకోవ‌చ్చు. ఇన్ డిస్‌ప్లే ఫింగ‌ర్ ప్రింట్ సెన్సార్‌, ఇన్‌ఫ్రారెడ్ సెన్సార్‌ల‌ను అందిస్తున్నారు. ఐపీ68, 69 డ‌స్ట్‌, వాట‌ర్ రెసిస్టెన్స్‌, 5జి, డ్యుయ‌ల్ 4జి వీవోఎల్‌టీఈ, వైఫై 6, బ్లూటూత్ 5.4, యూఎస్‌బీ టైప్ సి వంటి ఫీచ‌ర్ల‌ను సైతం ఈ ఫోన్ల‌లో పొంద‌వ‌చ్చు. రియ‌ల్‌మి 15 ప్రొ 5జి స్మార్ట్ ఫోన్ ప్రారంభ ధ‌ర రూ.31,999 ఉండ‌గా, టాప్ మోడ‌ల్ ధ‌ర రూ.38,999గా ఉంది. అలాగే రియ‌ల్‌మి 15 5జి స్మార్ట్ ఫోన్ ప్రారంభ ధ‌ర రూ.25,999 ఉండ‌గా, టాప్ మోడ‌ల్ ధ‌ర రూ.30,999గా ఉంది. ఈ ఫోన్ల‌ను ఫ్లిప్‌కార్ట్‌తోపాటు, రియ‌ల్‌మి ఆన్‌లైన్ స్టోర్‌, అన్ని ఆఫ్‌లైన్ స్టోర్స్‌లో జూలై 30వ తేదీ నుంచి విక్ర‌యించ‌నున్నారు. ఈ ఫోన్ల‌పై రూ.1500 నుంచి రూ.3వేల వ‌ర‌కు డిస్కౌంట్ల‌ను కూడా అందిస్తున్నారు.