OPPO A5x 5G | మిలిట‌రీ గ్రేడ్ నాణ్య‌త‌, వాట‌ర్ రెసిస్టెన్స్ ఫీచ‌ర్ల‌తో లాంచ్ అయిన ఒప్పో కొత్త ఫోన్‌.. ధ‌ర చాలా త‌క్కువ‌..

ప్ర‌స్తుతం వ‌స్తున్న చాలా వ‌ర‌కు స్మార్ట్ ఫోన్ల‌లో అనేక ఫీచ‌ర్ల‌ను అందిస్తున్నారు. కానీ మిడ్ రేంజ్ స్మార్ట్ ఫోన్ల‌లో వాట‌ర్‌, డ‌స్ట్ రెసిస్టెన్స్‌తోపాటు మిలిట‌రీ గ్రేడ్ నాణ్య‌త క‌లిగిన ఫోన్లు చాలా త‌క్కువ‌గా రిలీజ్ అవుతున్నాయి.

OPPO A5x 5G | ప్ర‌స్తుతం వ‌స్తున్న చాలా వ‌ర‌కు స్మార్ట్ ఫోన్ల‌లో అనేక ఫీచ‌ర్ల‌ను అందిస్తున్నారు. కానీ మిడ్ రేంజ్ స్మార్ట్ ఫోన్ల‌లో వాట‌ర్‌, డ‌స్ట్ రెసిస్టెన్స్‌తోపాటు మిలిట‌రీ గ్రేడ్ నాణ్య‌త క‌లిగిన ఫోన్లు చాలా త‌క్కువ‌గా రిలీజ్ అవుతున్నాయి. అయితే ఒప్పో స‌రిగ్గా ఇవే ఫీచర్ల‌తో వినియోగ‌దారుల‌ను ఆక‌ట్టుకునేందుకు ఓ నూత‌న స్మార్ట్ ఫోన్‌ను లాంచ్ చేసింది. ఎ5ఎక్స్ 5జి పేరిట ఒప్పో లాంచ్ చేసిన ఈ ఫోన్‌లో ప‌లు ఆక‌ట్టుకునే ఫీచ‌ర్ల‌ను అందిస్తున్నారు. ఈ ఫోన్‌లో 6.67 ఇంచుల ఎల్‌సీడీ డిస్‌ప్లేను ఏర్పాటు చేయ‌గా దీనికి 120 హెడ్జ్ రిఫ్రెష్ రేట్‌ను అందిస్తున్నారు. హెచ్‌డీ ప్ల‌స్ రిజ‌ల్యూష‌న్ ల‌భిస్తుంది. అందువ‌ల్ల ఫోన్ డిస్‌ప్లే చాలా క్వాలిటీగా ఉంటుంద‌ని చెప్ప‌వ‌చ్చు. సూర్య‌కాంతిలోనూ ఈ ఫోన్ 1000 నిట్స్ వ‌ర‌కు పీక్ బ్రైట్ నెస్‌ను అందిస్తుంది.

మిలిట‌రీ గ్రేడ్ నాణ్య‌త‌, వాట‌ర్ రెసిస్టెన్స్‌..

ఈ ఫోన్ మిలిట‌రీ గ్రేడ్ నాణ్య‌త‌ను క‌లిగి ఉంది. అందువ‌ల్ల చాలా దృఢంగా ఉంటుంది. మిడ్ రేంజ్ ఫోన్ల‌లో అత్యంత త‌క్కువ బ‌డ్జెట్‌లోనే ఈ ఫీచ‌ర్ ల‌భిస్తున్న ఫోన్ ఇదే కావ‌డం విశేషం. అలాగే ఇందులో ఐపీ65 వాట‌ర్‌, డ‌స్ట్ రెసిస్టెన్స్ ఫీచ‌ర్‌ను సైతం అందిస్తున్నారు. ఈ ఫోన్‌లో మీడియాటెక్ డైమెన్సిటీ 6300 ఆక్టాకోర్ ప్రాసెస‌ర్‌ను ఏర్పాటు చేశారు. 4జీబీ ర్యామ్ ల‌భిస్తుంది. వెనుక వైపు 32 మెగాపిక్స‌ల్ కెమెరా ఉండ‌గా ముందు వైపు 5 మెగాపిక్స‌ల్ కెమెరాను ఇచ్చారు. ఈ ఫోన్‌లో 6000 ఎంఏహెచ్ భారీ కెపాసిటీ ఉన్న బ్యాట‌రీని ఏర్పాటు చేశారు. దీనికి 45 వాట్ల ఫాస్ట్ చార్జింగ్ స‌పోర్ట్‌ను అందిస్తున్నారు. చార్జ‌ర్‌ను కూడా బాక్సులో పొంద‌వ‌చ్చు.

త్వ‌ర‌గా బ్యాట‌రీ చార్జింగ్‌..

ఈ ఫోన్ 0 నుంచి 30 శాతం చార్జింగ్ పూర్త‌య్యేందుకు 21 నిమిషాలు ప‌డుతుంది. అదే 100 శాతం చార్జింగ్ అయ్యేందుకు 1 గంట 24 నిమిషాల స‌మ‌యం ప‌డుతుంది. ఈ ఫోన్‌సు స‌రిగ్గా ఉప‌యోగిస్తే ఏకంగా 5 ఏళ్ల పాటు బ్యాట‌రీ వ‌స్తుంద‌ని కంపెనీ చెబుతోంది. ఈ ఫోన్‌లో ఉన్న 4జీబీ ర్యామ్‌కు గాను మ‌రో 4జీబీ వ‌ర‌కు ర్యామ్‌ను అద‌నంగా వ‌ర్చువ‌ల్‌గా పెంచుకోవ‌చ్చు. 128 జీబీ స్టోరేజ్ ఇందులో ల‌భిస్తుంది. మెమొరీని కార్దు ద్వారా 1టీబీ వ‌ర‌కు పెంచుకోవ‌చ్చు. డ్యుయ‌ల్ సిమ్ వేసుకోవ‌చ్చు. ఆండ్రాయిడ్ 15 ఆప‌రేటింగ్ సిస్ట‌మ్ ఇందులో ల‌భిస్తుంది. ఫింగ‌ర్ ప్రింట్ సెన్సార్‌ను ప‌క్క‌న ఇచ్చారు. 5జి సేవ‌ల‌ను ఉప‌యోగించుకోవ‌చ్చు. డ్యుయ‌ల 4జి వీవోఎల్‌టీఈ కూడా ల‌భిస్తుంది. డ్యుయ‌ల్ బ్యాండ్ వైఫై, బ్లూటూత్ 5.1, యూఎస్‌బీ టైప్ సి వంటి అద‌న‌పు ఫీచ‌ర్లు కూడా ఇందులో ఉన్నాయి.

ధ‌ర వివ‌రాలు..

ఒప్పో ఎ5ఎక్స్ 5జి స్మార్ట్ ఫోన్ మిడ్‌నైట్ బ్లూ, లేజ‌ర్ వైట్ త‌దిత‌ర రంగుల్లో లాంచ్ అయింది. ఈ ఫోన్‌కు చెందిన సింగిల్ వేరియెంట్ 4జీబీ ర్యామ్‌, 128 జీబీ స్టోరేజ్ మోడ‌ల్ ధ‌ర రూ.13,999గా ఉంది. అమెజాన్‌, ఫ్లిప్‌కార్ట్‌తోపాటు ఒప్పో స్టోర్‌, ప్ర‌ధాన రిటెయిల్ స్టోర్స్‌లో మే 25వ తేదీ నుంచి ఈ ఫోన్‌ను వినియోగ‌దారులు కొనుగోలు చేయ‌వ‌చ్చు. ఎస్‌బీఐ, ఐడీఎఫ్‌సీ ఫ‌స్ట్ బ్యాంక్‌, బ్యాంక్ ఆఫ్ బ‌రోడా, ఫెడ‌ర‌ల్ బ్యాంక్‌, డీబీఎస్ బ్యాంకుల‌కు చెందిన కార్డుల‌తో ఈ ఫోన్‌పై రూ.1000 ఇన్‌స్టంట్ క్యాష్ బ్యాక్ పొంద‌వ‌చ్చు. 3 నెల‌ల వ‌ర‌కు నో కాస్ట్ ఈఎంఐ స‌దుపాయం కూడా ల‌భిస్తోంది.