Meta New Rule | వర్చువల్ వేధింపులకు చెక్ పెట్టే పనిలో ‘మెటా’.. కొత్త ఫీచర్‌ తెచ్చిన కంపెనీ!

సామాజిక మాధ్యమాలను మరో మెట్టు పైకి తీసుకెళ్లాలనే లక్ష్యంతో ‘మెటా’ను ఏర్పాటు చేశాడు మార్క్ జుకర్‌బర్గ్. ఈ ఫేస్‌బుక్ వ్యవస్థాపకుడి ఆలోచన చాలా మందికి నచ్చింది. ఈ క్రమంలోనే వర్చువల్ టూల్స్‌తో మెటావర్స్‌లోకి వచ్చేవాళ్ల సంఖ్య పెరుగుతోంది.

సామాజిక మాధ్యమాలను మరో మెట్టు పైకి తీసుకెళ్లాలనే లక్ష్యంతో ‘మెటా’ను ఏర్పాటు చేశాడు మార్క్ జుకర్‌బర్గ్. ఈ ఫేస్‌బుక్ వ్యవస్థాపకుడి ఆలోచన చాలా మందికి నచ్చింది. ఈ క్రమంలోనే వర్చువల్ టూల్స్‌తో మెటావర్స్‌లోకి వచ్చేవాళ్ల సంఖ్య పెరుగుతోంది. కానీ ఇలా వర్చువల్ రియాలిటీలోకి వచ్చేవారిపై కూడా లైంగిక వేధింపులు జరుగుతున్నాయి.

చాలా మంది మహిళలు తమ ఆన్‌లైన్ అవతార్‌తో అసభ్యంగా ప్రవర్తిస్తున్నారంటూ ఫిర్యాదులు చేశారు. ఇటీవల ఒక మహిళ తన అవతార్‌పై కొన్ని మగ అవతార్‌లు ‘వర్చువల్ గ్యాంగ్ రేప్’ చేశాయని ఆరోపించింది. ఈ క్రమంలో ఇలాంటి ప్రమాదాలను నివారించేందుకు మెటా ఒక కొత్త ఫీచర్ తీసుకొచ్చింది. ఇదే ‘వ్యక్తిగత సరిహద్దు’. దీని వల్ల అవతార్ చుట్టూ సుమారు 4 అడుగుల దూరం ఖాళీ ఉంటుంది.

ఆ ప్రాంతంలోకి ఇతర అవతార్‌లు ప్రవేశించడం కుదరదు. ఎవరైనా బలవంతంగా ప్రవేశించడానికి ప్రయత్నిస్తే సదరు అవతార్ చేతులు మాయమైపోతాయని మెటా వివరించింది. కాగా, గురువారం నాడు మెటా షేర్లు 26 శాతం పడిపోయిన సంగతి తెలిసిందే. యాపిల్ తెచ్చిన కొత్త ప్రైవసీ మార్పులు, పెరిగిన పోటీ గురించి ప్రస్తావిస్తూ భవిష్యత్తుపై ఆందళనకర స్టేట్‌మెంట్ విడుదల చేసిందీ కంపెనీ. ఆ వెంటనే ఇలా రికార్డు స్థాయిలో కంపెనీ షేర్లు పడిపోయాయి.