iQOO Z10 R | మిడ్‌రేంజ్ బడ్జెట్‌లోనే ఫ్లాగ్‌షిప్ లాంటి ఫీచ‌ర్లు.. అదిరిపోయిన ఐక్యూ కొత్త స్మార్ట్ ఫోన్‌..!

ప్ర‌స్తుతం చాలా వ‌ర‌కు స్మార్ట్ ఫోన్ కంపెనీలు మిడ్ రేంజ్ ఫోన్ల‌లోనే ఫ్లాగ్ షిప్ ఫోన్ల‌లాంటి ఫీచ‌ర్ల‌ను అందిస్తున్నాయి. ధ‌ర కూడా త‌క్కువ‌గా ఉండ‌డంతో ఈ త‌ర‌హా ఫోన్లు వినియోగ‌దారుల‌ను ఆక‌ట్టుకుంటున్నాయి.

iQOO Z10 R | ప్ర‌స్తుతం చాలా వ‌ర‌కు స్మార్ట్ ఫోన్ కంపెనీలు మిడ్ రేంజ్ ఫోన్ల‌లోనే ఫ్లాగ్ షిప్ ఫోన్ల‌లాంటి ఫీచ‌ర్ల‌ను అందిస్తున్నాయి. ధ‌ర కూడా త‌క్కువ‌గా ఉండ‌డంతో ఈ త‌ర‌హా ఫోన్లు వినియోగ‌దారుల‌ను ఆక‌ట్టుకుంటున్నాయి. దీంతో వారు ఇలాంటి ఫోన్ల‌ను కొనుగోలు చేసేందుకే ఆస‌క్తిని చూపిస్తున్నారు. అందులో భాగంగానే వినియోగ‌దారుల అభిరుచుల మేర‌కు ఐక్యూ ఓ నూత‌న స్మార్ట్ ఫోన్‌ను లాంచ్ చేసింది. ఐక్యూ జ‌డ్‌10ఆర్ పేరిట లాంచ్ అయిన ఈ ఫోన్‌లో ఫ్లాగ్ షిప్ త‌ర‌హా ఫీచర్ల‌ను అందిస్తున్నారు. ఈ ఫోన్ ధ‌ర కూడా త‌క్కువ‌గానే ఉండ‌డం విశేషం. ఐక్యూ జ‌డ్‌10ఆర్ స్మార్ట్ ఫోన్‌లో 6.77 ఇంచుల అమోలెడ్ క‌ర్వ్‌డ్ డిస్‌ప్లేను ఏర్పాటు చేశారు. దీనికి ఫుల్ హెచ్‌డీ ప్ల‌స్ రిజ‌ల్యూష‌న్‌ను, 120 హెడ్జ్ రిఫ్రెష్ రేట్‌ను అందిస్తున్నారు. అందువ‌ల్ల ఫోన్ డిస్‌ప్లే చాలా క్వాలిటీగా ఉంటుంద‌ని చెప్ప‌వ‌చ్చు. ఈ తెర‌పై అద్భుత‌మైన దృశ్యాల‌ను వీక్షించ‌వ‌చ్చు.

12జీబీ వ‌రకు వ‌ర్చువ‌ల్ ర్యామ్‌..

ఈ ఫోన్‌లో మీడియాటెక్ డైమెన్సిటీ 7400 ఆక్టాకోర్ ప్రాసెస‌ర్‌ను ఏర్పాటు చేశారు. ఇందులో గ్రాఫైట్ కూలింగ్ ఫీచ‌ర్‌ను అందిస్తున్నారు. అందువ‌ల్ల ఫోన్‌ను ఎంత తీవ్రంగా ఉప‌యోగించిన‌ప్ప‌టికీ అంత త్వ‌ర‌గా హీట్‌కు గురికాదు. ఇందులో 12 జీబీ ర్యామ్ ల‌భిస్తుంది. మ‌రో 12 జీబీ వ‌ర‌కు ర్యామ్‌ను వ‌ర్చువ‌ల్‌గా పెంచుకునే వీలు క‌ల్పించారు. ఈ ఫోన్‌లో 50 మెగాపిక్స‌ల్ మెయిన్ కెమెరాను వెనుక వైపు ఏర్పాటు చేయ‌గా మ‌రో 2 మెగాపిక్స‌ల్ సెకండ‌రీ కెమెరాను ఇచ్చారు. ముందు వైపు 32 మెగాపిక్స‌ల్ కెమెరా ఉంది. ఈ ఫోన్‌కు ఉన్న ఫ్రంట్, బ్యాక్ కెమెరాల‌తో 4కె వీడియోల‌ను చిత్రీక‌రించుకోవ‌చ్చ‌ని కంపెనీ చెబుతోంది.

వాట‌ర్‌, డ‌స్ట్ రెసిస్టెన్స్ కూడా..

ఈ ఫోన్‌కు ఐపీ68, ఐపీ69 డ‌స్ట్‌, వాట‌ర్ రెసిస్టెన్స్ ఫీచ‌ర్‌ను అందిస్తున్నారు. ఆండ్రాయిడ్ 15 ఆప‌రేటింగ్ సిస్ట‌మ్ ల‌భిస్తుంది. 2 ఏళ్ల వ‌ర‌కు ఆండ్రాయిడ్ ఓఎస్ అప్‌డేట్స్‌ను, 3 ఏళ్ల వ‌ర‌కు సెక్యూరిటీ అప్‌డేట్స్‌ను అందిస్తామ‌ని కంపెనీ చెబుతోంది. ఈ ఫోన్‌లో 5700 ఎంఏహెచ్ భారీ కెపాసిటీ ఉన్న బ్యాట‌రీని ఏర్పాటు చేశారు. దీనికి 44 వాట్ల ఫాస్ట్ చార్జింగ్ స‌పోర్ట్‌ను అందిస్తున్నారు. అందువ‌ల్ల ఫోన్‌ను చాలా వేగంగా చార్జింగ్ చేసుకోవ‌చ్చు. ఈ ఫోన్ డిస్‌ప్లేకు 1300 నిట్స్ బ్రైట్ నెస్ ను అందిస్తున్నారు. అందువ‌ల్ల సూర్య‌కాంతితోనూ ఫోన్ డిస్‌ప్లే చాలా స్ప‌ష్టంగా క‌నిపిస్తుంది. దీనికి గాను ప్ర‌త్యేక ప్రొటెక్ష‌న్‌ను కూడా అందిస్తున్నారు. 8జీబీ, 12జీబీ ర్యామ్‌, 128జీబీ, 256జీబీ స్టోరేజ్ ఆప్ష‌న్ల‌లో ఈ ఫోన్‌ను లాంచ్ చేశారు. డ్యుయ‌ల్ సిమ్ వేసుకోవ‌చ్చు. ఇన్ డిస్‌ప్లే ఫింగ‌ర్ ప్రింట్ సెన్సార్‌ను అమ‌ర్చారు. మిలిట‌రీ గ్రేడ్ నాణ్య‌త‌తో ఈ ఫోన్‌ను తీర్చిదిద్దారు. అందువ‌ల్ల ఈ ఫోన్ అంత సుల‌భంగా ప‌గ‌ల‌దు.

ధ‌ర వివ‌రాలు..

ఐక్యూ జ‌డ్‌10ఆర్ స్మార్ట్ ఫోన్‌లో 5జి సేవ‌ల‌ను పొంద‌వ‌చ్చు. డ్యుయ‌ల్ 4జి వీవోఎల్‌టీఈ ఫీచ‌ర్ కూడా ల‌భిస్తుంది. వైఫై 6, బ్లూటూత్ 5.4, యూఎస్‌బీ టైప్ సి వంటి అద‌న‌పు ఫీచ‌ర్ల‌ను సైతం ఇందులో అందిస్తున్నారు. ఇక ఈ ఫోన్ ఆక్వా మెరైన్‌, మూన్ స్టోన్ క‌ల‌ర్ ఆప్ష‌న్ల‌లో లాంచ్ కాగా ఈ ఫోన్‌కు చెందిన 8జీబీ ర్యామ్, 128జీబీ స్టోరేజ్ మోడ‌ల్ ధ‌ర రూ.19,499గా ఉంది. అలాగే 8జీబీ ర్యామ్‌, 256జీబీ స్టోరేజ్‌మోడ‌ల్ ధ‌ర రూ.21,499 ఉండగా, టాప్ ఎండ్ మోడ‌ల్ 12జీబీ ర్యామ్‌, 256జీబీ స్టోరేజ్ వేరియెంట్ ధ‌ర రూ.23,499గా ఉంది. ఈ ఫోన్‌ను అమెజాన్‌తోపాటు ఐక్యూ ఇ-స్టోర్‌లో జూలై 29వ తేదీ నుంచి విక్ర‌యించ‌నున్నారు. హెచ్‌డీఎఫ్‌సీ, యాక్సిస్ బ్యాంకు కార్డులతో ఈ ఫోన్‌ను కొనుగోలు చేస్తే రూ.2000 ఫ్లాట్ ఇన్‌స్టంట్ డిస్కౌంట్ ఇస్తారు. 6 నెల‌ల వ‌ర‌కు నో కాస్ట్ ఈఎంఐ స‌దుపాయం కూడా ఉంది.