iPhone 13 | క్రోమాలో ఐఫోన్ 13పై రూ . 4000 ఆఫ‌ర్‌

ఐఫోన్‌ను కొనుగోలు చేయాల‌నుకునే వారికి ఇదే స‌రైన స‌మ‌యం. ఆన్‌లైన్ షాపింగ్ దిగ్గ‌జాల నుంచి రిటైల్ స్టోర్స్ సైతం ఐఫోన్‌పై భారీ డిస్కౌంట్ల‌ను ఆఫ‌ర్ చేస్తున్నాయి.

న్యూఢిల్లీ : ఐఫోన్‌ను కొనుగోలు చేయాల‌నుకునే వారికి ఇదే స‌రైన స‌మ‌యం. ఆన్‌లైన్ షాపింగ్ దిగ్గ‌జాల నుంచి రిటైల్ స్టోర్స్ సైతం ఐఫోన్‌పై భారీ డిస్కౌంట్ల‌ను ఆఫ‌ర్ చేస్తున్నాయి. క్రోమా ఆఫ్‌లైన్‌, ఆన్‌లైన్ స్టోర్స్‌లో ఐఫోన్ 13పై రూ 4000 డిస్కౌంట్ అందుబాటులో ఉంది. ఐఫోన్ 13తో పాటు ఐఫోన్ 2, మ్యాక్‌బుక్ ఎయిర్ స‌హా ఇత‌ర యాపిల్ ఉత్ప‌త్తుల‌పై క్రోమాలో డిస్కౌంట్ ల‌భిస్తోంది.

ఐఫోన్ 13 క్రోమా వెబ్‌సైట్‌లో 128జీబీ వేరియంట్ రూ 71,990కి లిస్ట‌యింది. హెచ్‌డీఎఫ్‌సీ క్రెడిట్‌, డెబిట్ కార్డుదారుల‌కు రూ 4000 ఆఫ‌ర్ అందుబాటులో ఉంది. ఇక అమెజాన్‌లో ఐఫోన్ 13 రూ 68,900కి లిస్ట‌వ‌గా ఎక్స్ఛేంజ్ ఆఫ‌ర్ కింద రూ 12,700 వ‌ర‌కూ ల‌భిస్తోంది. అయితే పాత ఫోన్ మోడ‌ల్‌, కండిష‌న్‌ను బ‌ట్టి ఎక్స్ఛేంజ్ వ్యాల్యూ ఆధార‌ప‌డిఉంటుంది.

ఇక ఐఫోన్ 13 స్పెసిఫికేష‌న్స్ చూస్తే..6.1 ఇంచ్ సూప‌ర్ రెటీనా ఎక్స్‌డీఆర్ ఓఎల్ఈడీ డిస్‌ప్లే, ఏ15 బ‌యోనిక్ 5ఎన్ఎం హెక్సా-కోర్ ప్రాసెస‌ర్‌తో 128జీబీ, 256జీబీ, 512జీబీ వేరియంట్ల‌లో ల‌భిస్తుంది. ఈ స్మార్ట్‌ఫోన్ ఐఓఎస్ 15 అవుట్‌సైడ్ ఆఫ్ ది బాక్స్‌పై ర‌న్ అవుతుంది. ఐఫోన్ 13 20డ‌బ్ల్యూ ఫాస్ట్ చార్జింగ్ సపోర్ట్‌తో 3240ఎంఏహెచ్ బ్యాట‌రీ సామ‌ర్ధ్యం క‌లిగిఉంది. ఈ స్మార్ట్‌ఫోన్ మెరుగైన కెమెరా ఫీచ‌ర్ల‌తో క‌స్ట‌మ‌ర్ల‌ను ఆక‌ట్టుకుంటుంది.