CoWIN : కోవిన్ లో ఇంటర్నేషనల్ ట్రావెల్ సర్టిఫికెట్.. డౌన్ లోడ్ చేసుకోండిలా

కోవిన్ లో ఇంటర్నేషనల్ ట్రావెల్ సర్టిఫికెట్ | కోవిడ్ 19 వ్యాక్సినేషన్ కు సంబంధించిన సమాచారం మొత్తం కోవిన్ అనే యాప్ ద్వారా తెలుసుకోవచ్చు

October 2, 2021 / 09:11 PM IST

CoWIN : కోవిన్ లో ఇంటర్నేషనల్ ట్రావెల్ సర్టిఫికెట్.. డౌన్ లోడ్ చేసుకోండిలా

కోవిడ్ 19 వ్యాక్సినేషన్ కు సంబంధించిన సమాచారం మొత్తం కోవిన్ అనే యాప్ ద్వారా తెలుసుకోవచ్చు అన్న విషయం తెలిసిందే. వ్యాక్సిన్ బుకింగ్, వ్యాక్సిన్ సర్టిఫికెట్, వ్యాక్సినేషన్ సెంటర్లు.. ఇలా.. కోవిడ్ వ్యాక్సిన్ కు సంబంధించిన ప్రతి సమాచారం అందులో ఉంటుంది.

తాజాగా.. ఇంటర్నేషనల్ ట్రావెల్ సర్టిఫికెట్ ఆప్షన్ ను కూడా కోవిన్ యాప్ లో కేంద్రం యాడ్ చేసింది. కోవిడ్ వ్యాక్సిన్ సర్టిఫికెట్ ఇంటర్నేషనల్ వర్షన్ ను కోవిన్ యాప్ ద్వారా డౌన్ లోడ్ చేసుకోవచ్చు. సాధారణంగా.. వ్యాక్సిన్ వేసుకున్న తర్వాత డౌన్ లోడ్ చేసుకునే వ్యాక్సిన్ సర్టిఫికెట్ కేవలం డొమెస్టిక్ గా మాత్రమే పనిచేస్తుంది.

విదేశాలకు వెళ్లేవాళ్లు.. ఖచ్చితంగా ఇంటర్నేషనల్ ట్రావెల్ సర్టిఫికెట్ ను తీసుకొని వెళ్లాల్సిందే. ప్రపంచ ఆరోగ్య సంస్థ సూచించిన ట్రావెల్ గైడ్ లైన్స్ ప్రకారం ఈ సర్టిఫికెట్ ను కేంద్ర తయారు చేసింది.

సెప్టెంబర్ 30 నుంచే ఈ సర్టిఫికెట్ ఆప్షన్ ను కోవిన్ యాప్ లో యాడ్ చేశారు. కోవిన్ పోర్టల్ కానీ.. యాప్ కానీ ఓపెన్ చేసి International Travel Certificate అనే ఆప్షన్ మీద క్లిక్ చేసి డౌన్ లోడ్ చేసుకోవచ్చు. దానికంటే ముందు.. కోవిన్ పోర్టల్ కు రిజిస్టర్ మొబైల్ నెంబర్ తో లాగిన్ అవ్వాల్సి ఉంటుంది. అంటే.. వ్యాక్సినేషన్ కోసం కోవిన్ యాప్ లో రిజిస్టర్ చేసుకున్న మొబైల్ నెంబర్ తో లాగిన్ అయి.. ఇంటర్నేషనల్ ట్రావెల్ సర్టిఫికెట్ ను డౌన్ లోడ్ చేసుకోవచ్చు.

ఈ సర్టిఫికెట్ లో వ్యాక్సినేషన్ వేయించుకున్న వ్యక్తి పుట్టిన తేదీ, డోసుల సంఖ్య, వ్యాక్సిన్ పేరు, టైప్, మానుఫాక్చరర్, నెంబర్, డోసులు తీసుకున్న తేదీ, డోస్ బ్యాచ్ నెంబర్.. అన్నీ ఉంటాయి. ఆ సర్టిఫికెట్ ఉంటేనే.. అంతర్జాతీయ ప్రయాణానికి అనుమతి ఉంటుంది.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి