Oxygen : ఆక్సిజ‌న్ ఎలా ఉత్ప‌త్తి అయింది.. భూమ్మీదకు ఎక్క‌డి నుంచి వ‌చ్చింది?

Oxygen : ఈ భూమ్మీద ఎన్నో మిస్ట‌రీలు ఇప్ప‌టికీ అలాగే ఉండిపోయాయి. కొన్ని విష‌యాల విష‌యంలో ఎంత మేథోమ‌ధ‌నం చేసినా వాటికి స‌మాధానం దొర‌క‌దు. అవి మిస్ట‌రీగానే మిగిలిపోతాయి. అందులో ఒక‌టి ఆక్సిజ‌న్. ఈ భూమ్మీద ఆక్సిజ‌న్ లేక‌పోతే మ‌నిషి బ‌త‌క‌లేడు. మ‌నిషే కాదు.. ఏ జీవి కూడా మ‌న‌గడ సాధించలేదు. ఒక సెక‌న్ పాటు ఆక్సిజ‌న్ లేకున్నా.. బ‌త‌క‌లేం. జీవితాంతం ఆక్సిజ‌న్ ను పీల్చుతూ బ‌త‌కాల్సిందే. క‌రోనా మొద‌టి వేవ్ స‌మ‌యం నుంచి ఆక్సిజ‌న్ గురించి చాలా మంది తెలుసుకుంటున్నారు. ఆక్సిజ‌న్ అంద‌క దేశ‌వ్యాప్తంగా చాలామంది క‌రోనా పేషెంట్లు చ‌నిపోవ‌డంతో.. అస‌లు.. ఆక్సిజ‌న్ అంటే ఏంటి? ఆక్సిజ‌న్ మ‌నిషికి ఎంత అవ‌స‌రం అనే విష‌యాల‌పై జోరుగా చ‌ర్చ సాగుతోంది.

అయితే.. ఒక‌ప్పుడు ఈ భూమ్మీద చాలా త‌క్కువ ఆక్సిజ‌న్ లేవ‌ల్స్ ఉండేవి. అప్పుడు ప్రాణ‌కోటి లేదు. జీవ‌రాశులు లేవు. కానీ.. నెమ్మ‌దిగా జీవ‌రాశులు పుట్ట‌డం.. ప్రాణులు జ‌న్మించ‌డం.. మ‌నుషులుగా రూపాంతరం చెందాక‌.. ఆక్సిజ‌న్ కూడా ఎక్కువ శాతం భూమ్మీద ఉత్ప‌త్తి అవ‌డం మొద‌లు పెట్టింది. ఇప్పుడు ఈ భూమి మీద ఉన్న ప్ర‌తి జీవ‌రాశికి కావాల్సినంత ఆక్సిజ‌న్ అందుబాటులో ఉంది. అస‌లు.. ఆక్సిజ‌న్ ఎలా ఉత్ప‌త్తి అవుతుంది. ఎక్క‌డి నుంచి ఇంత ఆక్సిజ‌న్ వచ్చింది.. అనేది ఇప్ప‌టి వ‌రకు మిస్ట‌రీగానే ఉండేది. కానీ.. తాజాగా సైంటిస్టులు.. ఆక్సిజ‌న్ ఉత్ప‌త్తి వెనుక ఉన్న రహ‌స్యాన్ని ఛేదించారు.

నిరంత‌ర‌ సూర్య‌కాంతి వ‌ల్ల బ్యాక్టీరియా నుంచి ఆక్సిజ‌న్ ఉత్ప‌త్తి

ఈ భూమ్మీద ఏ ప్రాణి లేని స‌మ‌యం నుంచి సూర్యుడు ఉన్నాడు. అయితే సూర్యుడి నిరంతర కాంతి వ‌ల్ల‌.. భూమ్మీద ఉన్న బ్యాక్టీరియాలు, మైక్రోబీస్.. ఆక్సిజ‌న్ ను ఉత్పత్తి చేయ‌డం మొద‌లు పెట్టాయి. దీంతో ఆక్సిజ‌న్ ఉత్ప‌త్తి అనేది పెరిగింది.. అనేది తాజాగా ప‌రిశోధ‌న‌లో నిరూపించారు. దాని కోసం నార్త్ అమెరికాలో ఉన్న హురోన్ అనే స‌ర‌స్సులో అడుగు భాగంలోకి వెళ్లి అక్క‌డ లోతులో రాళ్ల‌కు ప‌ట్టుకొని ఉన్న వైట్, గ్రీన్ అండ్ పర్పుల్ మైక్రోబీస్‌ను ల్యాబ్‌లో ప‌రీక్షించాక అస‌లు విష‌యం తెలిసింది. కాల క్ర‌మేణ‌.. సూర్య‌కాంతి ఎక్క‌వ‌వుతున్నా కొద్దీ.. ఈ మైక్రోబీలు.. ఆక్సిజ‌న్ ఉత్ప‌త్తిని పెంచ‌డం మొద‌లు పెట్టాయి. ఎప్పుడైతే ఆక్సిజ‌న్ ఉత్పత్తి ఈ భూమ్మీద పెరిగిందో.. అప్ప‌టి నుంచి జీవ‌రాశి మ‌నుగ‌డ సాధ్య‌మైంది.

2.4 బిలియ‌న్ సంవ‌త్స‌రాల కింద ఈ భూమ్మీద కేవ‌లం చాలా త‌క్కువ ఆక్సిజ‌న్ ఉండేది. ఆ స‌మ‌యంలో భూమ్మీద సంచ‌రించిన మైక్రోబీలు, సియానో బ్యాక్టీరియా.. కార్బ‌న్ డైయాక్సైడ్ ను పీల్చుకొని.. ఆక్సిజ‌న్‌ను విడుద‌ల చేయ‌డం మొద‌లు పెట్టాయి.

రాను రాను.. భూమి ప‌రిభ్ర‌మించే వేగం కూడా త‌గ్గుతూ వ‌చ్చింది. దాని వ‌ల్ల‌.. ప‌గ‌లు పెరిగింది. దీంతో సూర్యూడి కాంతి ఈ భూమ్మీద ప‌డ‌టం ఎక్కువైంది. అలా.. డేలైట్ పెర‌గ‌డం.. దాని వ‌ల్ల‌.. మైక్రోబీలు ఆక్సిజ‌న్ ఉత్ప‌త్తిని పెంచ‌డం మొద‌లైంది.