Apple on I-Pod | ఐప్యాడ్‌పై ఆపిల్ బిగ్ అప్‌డేట్‌.. లాప్‌టాప్‌.. లేదా ఐఫోన్‌లా వాడొచ్చు?!

Apple on I-Pod | త్వ‌ర‌లో ఆపిల్ బిగ్ అప్‌డేట్ ఇవ్వ‌నుంది. లాప్‌టాప్‌/ ఐ-ఫోన్‌గా వాడుకునేలా ఐప్యాడ్ సాఫ్ట్‌వేర్ డెవ‌ల‌ప్ చేసింద‌ని స‌మాచారం.

Apple on I-Pod | ఇది ఆవిష్క‌ర‌ణ‌ల యుగం.. టెక్నాల‌జీతో ఏదైనా సాధించొచ్చు అన్న నానుడి స్థిర‌మ‌వుతున్న‌ది. ఇది టెక్ జెయింట్ ఆపిల్ విష‌యంలో మ‌రోమారు రుజువైంది. ర‌క‌ర‌కాల సాఫ్ట్‌వేర్‌ల రాక‌తో మ్యూజిక్ ప్రియుల కోసం తెచ్చిన ఇటీవ‌ల ఐ-ప్యాడ్స్ త‌యారీ నిలిపేస్తున్న‌ట్లు ఇటీవ‌ల ప్ర‌క‌టించింది ఆపిల్‌.. ఇదే ఐ-ప్యాడ్‌ల విష‌య‌మై నెటిజ‌న్ల‌కు, టెక్కీల‌కు బిగ్ అప్‌డేట్ ఇచ్చేందుకు సిద్ధ‌మ‌వుతున్న‌ది. సోమ‌వారం (జూన్ 6) నుంచి జ‌రిగే ఆపిల్.. వ‌ర‌ల్డ్‌వైడ్ డెవ‌ల‌ప‌ర్స్ కాన్ఫ‌రెన్స్‌-2022లో ఈ సంగ‌తి వెల్ల‌డించ‌డానికి రంగం సిద్ధ‌మైంది.

ఐ-ప్యాడ్ సాఫ్ట్‌వేర్‌ను ల్యాప్‌టాప్‌గా గానీ, స్మార్ట్‌ఫోన్‌గా గానీ వాడుకునేలా దాని సాఫ్ట్‌వేర్‌లో గ‌ణ‌నీయ మార్పులు తేవ‌డానికి ఆపిల్ ప్ర‌ణాళిక సిద్ధం చేస్తున్న‌ది. త్వ‌ర‌లో వ‌చ్చే ఐపాడ్ఓఎస్‌16లోనే ఈ మార్పు చోటు చేసుకుంటుంద‌ని భావిస్తున్నారు. ఒక లాప్‌టాప్‌గా లేదా ఒక డెస్క్‌టాప్‌గా మ‌ల్టీ టాస్కింగ్ సామ‌ర్థ్యం గ‌ల డివైజ్‌గా ఐపాడ్ రూపుదిద్దుకోనున్న‌ది.

న్యూ సాఫ్ట్‌వేర్ ఏయే యాప్స్‌లో ఓపెన్ అవుతుంద‌ని మున్ముందు తేల‌నున్న‌ది. యాప్ బ‌య‌ట‌కు వ‌చ్చాక దాన్ని మ‌ల్టీపుల్‌గా వాడేందుకు రీసైజ్ యాప్ విండోస్‌ను విభిన్న మార్గాల్లో వాడేందుకు ఇది అనుమ‌తిస్తుంద‌ని భావిస్తున్నారు. ఐ-ప్యాడ్ యూజ‌ర్లు ఫుల్ స్క్రీన్‌తో ఐఫోన్‌లా కానీ, సైడ్ బై సైడ్ రెండు యాప్‌లు ఒకేసారి వాడుకునేలా ఉంటుంద‌ని చెబుతున్నారు. ఇంకా ఐఫోన్‌, మాక్‌, ఆపిల్ వాచ్‌, ఆపిల్ టీవీల్లో సాఫ్ట్‌వేర్ అప్‌గ్రేడ్‌పై ఆపిల్ యాజ‌మాన్యం డ‌బ్ల్యూడ‌బ్ల్యూడీసీలో ప్ర‌క‌ట‌న చేయొచ్చు.