అంగవైకల్యం మనస్సుకు కాదు

అంగవైకల్యం అనేది శరీరానికే గాని, మనస్సుకు కాదని జిల్లా అదనపు కలెక్టర్‌ రాహుల్‌శర్మ అన్నా రు. శుక్రవారం వికారాబాద్‌ పట్టణంలోని బ్లాక్‌గ్రౌండ్‌లో మహిళా, శిశు, దివ్యాంగు ల, వయోవృద్ధుల సంక్షేమశాఖ ఆధ్వర్యం లో అంతర్జాతీయ దివ్యాంగుల దినోత్సవా న్ని పురస్కరించుకుని దివ్యాంగులకు క్రీడా పోటీలను నిర్వహించారు.

వికారాబాద్‌, నవంబర్‌ 25: అంగవైకల్యం అనేది శరీరానికే గాని, మనస్సుకు కాదని జిల్లా అదనపు కలెక్టర్‌ రాహుల్‌శర్మ అన్నా రు. శుక్రవారం వికారాబాద్‌ పట్టణంలోని బ్లాక్‌గ్రౌండ్‌లో మహిళా, శిశు, దివ్యాంగు ల, వయోవృద్ధుల సంక్షేమశాఖ ఆధ్వర్యం లో అంతర్జాతీయ దివ్యాంగుల దినోత్సవా న్ని పురస్కరించుకుని దివ్యాంగులకు క్రీడా పోటీలను నిర్వహించారు. ఈ కార్యక్రమా నికి జిల్లా అదనపు కలెక్టర్‌ ముఖ్యఅతిథిగా హాజరై క్రీడలను ప్రారంభించి మాట్లాడా రు.

డిసెంబర్‌ 3న అంతర్జాతీయ దివ్యాంగుల దినోత్సవాన్ని పురస్కరించుకొని జిల్లాలోని దివ్యాంగులందరికీ జిల్లా స్థాయి ఆటల పోటీలను నిర్వహించడం చాలా సంతోషంగా ఉందన్నారు. దివ్యాంగులు ఎవరిపైనా ఆధారపడకుండా తమ కాళ్లపై తామూ నిలబడాలని కోరుకోవడమే కాక.. వారిలోని ఆత్మైస్థెర్యాన్ని పెంచేందుకు ఇలాంటి పోటీలను నిర్వహించడం చాలా మంచిదన్నారు.

ప్రభుత్వం మహిళా, శిశు, సంక్షేమ శాఖ తరఫున దివ్యాంగులకు అవసరమైన వసతులను కల్పిస్తూ వారిని అన్ని విధాలా ఆదుకుంటున్నదనన్నారు. అనంతరం జిల్లా సంక్షేమశాఖ అధికారి లలితకుమారి మాట్లాడుతూ సుమారు 120 మం ది దివ్యాంగులకు ఆటల పోటీలు నిర్వహిస్తున్నట్లు తెలిపారు. శుక్రవారం షాట్‌ఫుట్‌, రన్నింగ్‌, చెస్‌, క్యారమ్స్‌, వీల్‌ చైర్స్‌ తదితర పోటీలను నిర్వహించినట్లు తెలిపారు. ఈ పోటీల్లో ప్రథమ, ద్వితీయ స్థానాల్లో నిలిచిన వారు రాష్ట్ర స్థాయిలో జరిగే పోటీలకు వెళ్తారన్నారు. కార్యక్రమంలో డీఆర్‌డీవో అదనపు పీడీ నర్సింహులు, చైల్డ్‌ డెవలప్‌మెంట్‌ అధికారి వెంకటేశ్వరమ్మ, పీఈటీలు, డీవైఎస్‌వో, సిబ్బంది పాల్గొన్నారు.