కుక్కకు సందిస్తే.. మూతులు నాకిందట

కొందరు మంచితనాన్ని తేలిగ్గా తీసుకుంటారు. తమ పరిధి దాటి ప్రవర్తిస్తున్నామని కూడా గుర్తించరు. చనువిచ్చిందే చాలు సంకలోకి ఎక్కుతుంటారు. సరిగ్గా అలాంటి వారిని ఉద్దేశించి అనుభవపూర్వకంగా చెప్పిన సామెత.. ‘కుక్కకు సందిస్తే.. మూతులు నాకిందట’.

కొందరు మంచితనాన్ని తేలిగ్గా తీసుకుంటారు. తమ పరిధి దాటి ప్రవర్తిస్తున్నామని కూడా గుర్తించరు. చనువిచ్చిందే చాలు సంకలోకి ఎక్కుతుంటారు. సరిగ్గా అలాంటి వారిని ఉద్దేశించి అనుభవపూర్వకంగా చెప్పిన సామెత.. ‘కుక్కకు సందిస్తే.. మూతులు నాకిందట’. అల్పులకు అతి చనువిచ్చి, అవకాశాలు కల్పించి, మన పతనానికి మనమే పరోక్షంగా కారణమైనప్పుడు ఇలాంటి సామెతలతో సున్నితంగా హెచ్చరిస్తుంటారు పెద్దలు. అతి చనువు కూడా ప్రమాదకరమే.

ఎవరిని ఎక్కడ ఉంచాలో తెలియకపోతే.. ఎదుటివారిని గుడ్డిగా నమ్మితే వచ్చే అనర్థాలను గుర్తుచేస్తుంది ఈ సామెత. కుక్క మన దగ్గరికి వచ్చినప్పుడు చేతులు వాసన చూస్తుంది. ఆ తర్వాత నాకడానికి ప్రయత్నిస్తుంది. అప్పటికీ ఏమీ అనకపోతే.. నేరుగా మూతి నాకేందుకు ముందుకొస్తుంది. వక్రబుద్ధి ఉన్నవాళ్లను చేరదీసి.. ఇబ్బందులు పడటం అంటే ఇదే. అందుకే ఎవరికైనా ఏదైనా అవకాశం ఇస్తున్నప్పుడు ప్రవర్తన, గుణగణాలు చూసి ఇవ్వాలని సున్నితంగా హెచ్చరిస్తారు పెద్దలు.