కీర్తి శిఖరం

మహాలయ వచ్చింది పితృపక్షాలను తెచ్చింది స్మృతి పథాన్ని కదిపింది ఆశీస్సులను కురిపించింది

అమావాస్య!
మహాలయ వచ్చింది
పితృపక్షాలను తెచ్చింది
స్మృతి పథాన్ని కదిపింది
ఆశీస్సులను కురిపించింది

అలాగే!!
బొడ్డెమ్మ పీఠమెక్కింది
బతుకమ్మకు స్వాగతం పలికింది
ఆడపడుచులకు కబురు చేసింది
పుట్టినిల్లు శోభలతో నింపింది

ప్రకృతి మాత పరవశించింది
రంగు రంగుల పూలతో కొలువైంది
బతుకమ్మగా పుడమిలో వెలిసింది

ధనిక పేద అనే భావాన్ని చెరిపేసింది
సద్దులతో కళకళలాడుతూకనువిందైంది
గ్రామ గ్రామాన మహిళా
లోకం ఉప్పొంగింది
ఉయ్యాల పాటలతో
ఉర్వి ఊయలూగింది

తిరిగి ..
బతుకమ్మ చెరువున
నిమజ్జన గమ్యం చేరింది
ప్రతి ఏడాది ఇలాగే వస్తుంది
ఆనంద పారవశ్యాన్ని నింపుతుంది
అహంకారాన్ని అణచి
వేడుక జరుపుతుంది
బతుకమ్మ గౌరమ్మగా కీర్తి శిఖరమైంది.

-నమిలకొండ నాగేశ్వరరావు
86885 53470