Cab booking : క్యాబ్ బుక్ చేసుకున్నాక డ్రైవ‌ర్ రైడ్ క్యాన్సిల్ చేస్తున్నాడా? అయితే ఇలా చేయండి

క్యాబ్ బుక్ చేసుకున్నాక డ్రైవ‌ర్ రైడ్ క్యాన్సిల్ చేస్తున్నాడా? | ఈరోజుల్లో క్యాబ్ బుక్ చేయ‌డం అనేది స‌ర్వ‌సాధార‌ణం. ఎందుకంటే..

November 1, 2021 / 06:43 PM IST

Cab booking : క్యాబ్ బుక్ చేసుకున్నాక డ్రైవ‌ర్ రైడ్ క్యాన్సిల్ చేస్తున్నాడా? అయితే ఇలా చేయండి

ఈరోజుల్లో క్యాబ్ బుక్ చేయ‌డం అనేది స‌ర్వ‌సాధార‌ణం. ఎందుకంటే.. ఎక్క‌డికి వెళ్లాల‌న్నా కంప‌ల్స‌రీ ఏదో ఒక వాహ‌నం ఉండాల్సిందే. సొంత వాహ‌నాలు లేనివాళ్లు.. ఖ‌చ్చితంగా ప‌బ్లిక్ ట్రాన్స్‌పోర్ట్ లేదంటే క్యాబ్‌లు, ఆటోల‌ను ఆశ్ర‌యించాల్సిందే. అయితే.. కొంద‌రు క్యాబ్ డ్రైవ‌ర్లు క్యాబ్ బుక్ చేసుకున్న త‌ర్వాత కూడా ఇరిటేట్ చేస్తుంటారు. వెంట‌నే రారు. రైడ్ క‌న్ఫ‌మ్ అయ్యాక కూడా ఒక్కోసారి రైడ్‌ను క్యాన్సిల్ చేస్తుంటారు. దాని వ‌ల్ల మ‌రోసారి క్యాబ్ బుక్ చేసుకోవాల్సి వ‌స్తుంది. స‌మ‌యం వృథా అవుతుంది. ఒక్కోసారి రైడ్ క్యాన్సిల్ అయినందుకు ఫైన్ కూడా చెల్లించాల్సి ఉంటుంది.

ఇంకొంద‌రు డ్రైవ‌ర్లు అయితే.. ఎక్కువ దూరం ఉన్నా.. ఆన్‌లైన్ పేమెంట్ చేసినా రైడ్ క్యాన్సిల్ చేస్తుంటారు. అలా చిన్న చిన్న కార‌ణాల‌తో రైడ్‌ను డ్రైవ‌ర్ క్యాన్సిల్ చేస్తే వాళ్లు ఫైన్ చెల్లించాల్సి ఉంటుంది. ఇటువంటి స‌మ‌స్య‌ల‌కు చెక్ పెట్టాలంటే ఈ చిట్కా పాటిస్తే చాలు.. ఇంకోసారి మీ క్యాబ్ డ్రైవ‌ర్‌.. అస్స‌లు రైడ్ క్యాన్సిల్ చేయ‌డు.

మీరు క్యాబ్ బుక్ చేశాక‌.. మీ బుకింగ్ క‌న్ఫ‌మ్ అయ్యాక కూడా క్యాబ్ డ్రైవ‌ర్ రైడ్‌ను క్యాన్సిల్ చేశాడ‌ని అనుకుందాం. అందుక‌ని… మీ బుకింగ్ క‌న్ఫ‌మ్ కాగానే.. క్యాబ్ డిటెయిల్స్‌ను స్క్రీన్ షాట్ తీయండి. అందులో క్యాబ్ నెంబ‌ర్ కూడా ఉండాలి. యాప్‌లో క్యాబ్ బుకింగ్‌కు సంబంధించిన స్క్రీన్ షాట్ తీసి దాన్ని మీ సిటీలోని ట్రాఫిక్ పోలీస్ ట్విట్ట‌ర్ ఖాతాలో కానీ.. వాట్స‌ప్ ఖాతాలో కానీ షేర్ చేయండి. స్క్రీన్ షాట్‌తో పాటు మీ డెస్టినేష‌న్, బండి నెంబ‌ర్‌, డేట్, టైమ్, లొకేష‌న్.. అన్ని వివ‌రాల‌ను షేర్ చేయండి.

ఆ క్యాబ్ నెంబ‌ర్‌ను ట్రాక్ చేసి.. ఆ కారుకు ట్రాఫిక్ పోలీసులు ఫైన్ వేస్తారు. ఎందుకంటే.. ఒక‌సారి ప్యాసెంజ‌ర్ క్యాబ్ బుక్ చేసుకున్నాక‌.. దాన్ని క్యాన్సిల్ చేయ‌డం చ‌ట్ట‌రిత్యా నేరం. మోటార్ వెహికిల్స్ యాక్ట్ 1988లోని 178 వ సెక్ష‌న్ ప్ర‌కారం ఆ రైడ్‌ను క్యాన్సిల్ చేసిన క్యాబ్ డ్రైవ‌ర్‌కు ట్రాఫిక్ పోలీసులు ఫైన్ విధిస్తారు. దీంతో ఇంకోసారి ఆ డ్రైవ‌ర్ మ‌రో రైడ్‌ను క్యాన్సిల్ చేయ‌డు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి